قارجى پوليسياسىنىڭ قۇرىعىنان تالعار قالاسىنىڭ اكىمى دە قۇتىلا المادى. ادايبەك قوجاحمەتوۆ ءوزىنىڭ جۇمىس كابينەتىندە جەتىنشى قىركۇيەك كۇنى جالعا بەرەتىن جەر ءۇشىن، اناۋ-مىناۋ ەمەس، ءبىر جارىم ميلليون تەڭگەنى (10 مىڭ اقش دوللارىن) الىپ جاتقان جەرىندە ۇستالدى. شەندىنىڭ قاراجاتتى قولىمەن ۇستاماي، قامدانۋى دا قۇزىرلى ورگاننىڭ قارىمدى قولىنان ونى قۇتقارمادى. جاسىرىن كامەرامەن تۇسىرىلگەن بەينەبايان مەن «پارا» بەلگىسى بار ايعاق اقشالار، اكىمنىڭ ارەكەتىن اشكەرە ەتتى.
[video w="500"]http://youtu.be/F-KdKgpQI_g[/video]ارتىنان بەلگىلى بولعانداي، ءبىر جارىم ميلليون تەڭگەنى جەكە كومپانيا ديرەكتورى، اكىم مىرزاعا، قالانىڭ قاق ورتاسىنان بەرىلەتىن جارناما تەلەكەشەنىنە ارنالعان تەلىم ءۇشىن بەرگەن. كوپ كوك قاعازدىڭ قىزىعىن كورمەگەن بويى ارەكەتى اشكەرە بولعان اكىمنىڭ جۇرەگى، مۇنداي سۇمدىقتى كوتەرە الماي، سىر بەرگەن كورىنەدى. ءسويتىپ، قارجى پوليسياسىنىڭ قىزمەتكەرلەرى شەنەۋنىكتى كىسەندەمەي، كىسىلىك تانىتقان. سالدارىنان قىلمىستىق ءىس قوزعالعانىمەن، اكىم ادايبەك ءۇي قاماققا الىنىپتى.
زارينا الىشەر
"قامشى" اقپارات
پىكىر قالدىرۋ