بەس اي بۇرىن ءىز-تۇسسىز جوعالىپ كەتكەن جاس جىگىتتىڭ دەنەسى اقمولا وبلىسىنداعى وزەننەن تابىلدى دەپ حابارلايدى قامشى اقپاراتتىق اگەنتتىگى Zakon.kz باسىلىمىنا سىلتەمە جاساپ.

ءمايىتتى 10 مامىر كۇنى پريگورودنىي اۋىلىنان 2،5 كيلومەتر قاشىقتىقتا جاتقان ەشىم وزەنىنەن جەرگىلىكتى تۇرعىنداردىڭ ءبىرى تاۋىپ الىپ، دەرەۋ اۋداندىق ىىد-نە حابار بەرگەن.

زەرتتەۋ جۇمىستارى بارىسىندا تابىلعان ءمايىتتىڭ جاڭا جىل مەرەكەسى قارساڭىندا جوعالىپ كەتكەن 1998 جىلعى رۋسلان زينگەروۆ ەسىمدى ازامات ەكەندىگى بەلگىلى بولدى. ءبىرىنشى قاڭتار كۇنى 00:15 شاماسىندا ۇيىنەن شىعىپ، بي الاڭىنا كەتكەن. سودان بەرى ۇيىنە ورالماعان بالانىڭ ومىرىنەن ەش حابار بولمادى. پوليسيا باسقارماسىندا تىركەۋگە الىنباعاندىعى بەلگىلى بولدى، سونىمەن قاتار، ەشقاشان دا ۇيىنەن ۇزاق ۋاقىتقا شىعىپ كورمەگەن. مايىتتە زورلىق بەلگىلەرى مەن تەرى جاراقاتى جوق. قازىرگى ۋاقىتتا دەنەنى ءمايىتحاناعا جەتكىزىپ، ءولىمنىڭ سەبەبىن انىقتاۋ جۇمىستارى جۇرگىزىلىپ جاتىر.

اۋدارعان: نازەركە لابيحان