استانادا قارت جۇرگىزۋشىنى اياۋسىز ۇرىپ-سوققان ادام ءوز ارەكەتىن ءتۇسىندىردى، - دەپ حابارلايدى قامشى اقپاراتتىق اگەنتتىگى Tengrinews.kz باسىلىمىنا سىلتەمە جاساپ.
ىزدەۋ شارالارى بارىسىندا استانانىڭ 23 جاستاعى تۇرعىنى ۇستالعان. قارت ادامدى ۇرىپ-سوعۋ دەرەگىنە قاتىستى "بۇزاقىلىق" بابى بويىنشا تەرگەۋ امالدارى جۇرگىزىلىپ جاتىر ەكەن. الايدا جابىرلەنۋشىدەن ازىرشە ارىز تۇسپەگەن. "وسىعان بايلانىستى جابىرلەنۋشىدەن پوليسياعا حابارلاسۋدى سۇرايمىز"، - دەيدى قالالىق ءىىد وكىلدەرى.
پوليسياداعىلاردىڭ ايتۋىنشا، جۇرگىزۋشىنى اسا قاتىگەزدىكپەن ۇرىپ-سوققان ەر ادام ءوز ارەكەتىنە جولداعى جانجالدىڭ سەبەپ بولعانىن ايتقان. جانجالدان كەيىن ول وسىلايشا ارەكەت ەتۋدى ۇيعارىپتى.
مۇنىڭ الدىندا ءىىد-نىڭ باسپا ءسوز حاتشىسى سوفيا قىلىشبەكوۆا ەر ادامنىڭ تابىلعانىن جانە سوتالدى تەرگەۋ جۇرگىزىلىپ جاتقانىن حابارلاعان.
ال وسىعان دەيىن استانا پوليسياسىنىڭ جۇرگىزۋشىنى ۇرىپ-سوققان ادامداردى ىزدەستىرىپ جاتقانى حابارلانعان ەدى. ەسكە سالا كەتەيىك، جاقىندا الەۋمەتتىك جەلىلەردە جانە Instagram جەلىسىندەگى پاراقشالاردا ەل وڭىرلەرىنىڭ بىرىندە تۇسىرىلگەن ۆيدەو پايدا بولعان ەدى. ۆيدەوداعى كادرلاردان ەر ادامنىڭ تال تۇستە وزىنەن ۇلكەن ەر ادامدى ۇرىپ جاتقانىن كورۋگە بولادى.
پىكىر قالدىرۋ