استاناداعى كوشەلەرگە شەتەلدىك قايراتكەرلەردىڭ ەسىمىن بەرۋ مەملەكەتتەر اراسىنداعى دوستىق بايلانىستى نىعايتۋعا اسەرىن تيگىزەدى، دەپ جازدى قامشى اقپاراتتىق اگەنتتىگى.

استاناداعى اتاۋسىز ەكى كوشەگە تانىمال قايراتكەرلەردىڭ ەسىمىن قويۋ ۇسىنىلدى. بۇل ماسەلە ءماسليحاتتىڭ تۇراقتى كوميسسياسىنىڭ وتىرىسىندا تالقىلاندى.

اتاۋسىز كوشەلەردىڭ ءبىرى بولىپ سانالعان 7333 مەترلىك كوشە بۇگىنگى تاڭدا №31 دەگەن اتاۋمەن اتالىپ كەلگەن. ول كوشەگە يوردانيا كورولى حۋسەين بەن تالالدىڭ ەسىمىن بەرۋ كوزدەلىپ وتىر. ول 1952 جىلى 16 جاسىندا تاققا وتىرعان كورول.

«بۇل ۇسىنىس 2016 جىلدىڭ كۇزىندە وتكەن استانا ونوماستيكالىق كوميسسياسىنىڭ وتىرىسىندا قابىلدانىپ،  رەسپۋبليكالىق ونوماستيكالىق كوميسسيا مۇشەلەرى تاراپىنان ماقۇلدانعان»، - دەپ مالىمدەدى تىلدەردى دامىتۋ باسقارماسىنىڭ ءتوراعاسى تىلەۋعالي قىشقاشبايەۆ.

№36 دەگەن اتاۋمەن اتالىپ كەلگەن ەندى ءبىر كوشە مەمەلەكەتتىك قايراتكەر، «الاش» زيالىسى ءاليحان بوكەيحانوۆتىڭ ەسىمىمەن اتالماق.

«بۇل كوشە 4823 مەترگە دەيىن سوزىلاتىن بولادى، بۇعان دەيىن 400 مەتر بولعان. ش. قالداياقوۆ كوشەسىنەن باستالىپ، كەرەي، جانىبەك، ت. رىسقۇلوۆ، ۇلى دالا كوشەلەرىمەن قيىلىساتىن بولادى»، - دەدى ءبولىم باسشىسى.