الماتىداعى كوپ پاتەرلى ۇيلەردىڭ ءبىرىنىڭ پودەزىندە جاسى ەگدە تارتقان كىسى جاتادى ەكەن، دەپ حابارلايدى قامشى اقپاراتتىق اگەنتتىگى.

بەلگىلى بولعانداي، بۇل كىسىنى بالالارى ۇيىنە كىرگىزبەي، قۋىپ جىبەرگەن ەكەن. بۇل جايىندا Assema Lalo ەسىمدى Facebook قولدانۋشىسى ءوزىنىڭ جەكە پاراقشاسىندا جاريالادى.

«بۇل اتانىڭ جاتقانىنا ەكى كۇن بولدى. ول كىسى مەنەن ەكى قابات تومەندە تۇراتىن. ونى بالالارى ۇيىنەن قۋىپ جىبەرگەن ەكەن، ال اپالارىن قارتتار ۇيىنە الىپ بارىپ تاستاپتى. ماعان بۇلاي دەپ كورشىلەر ايتتى.

مۇنداي جاعدايدا نە ىستەۋگە بولادى؟ ءبىر جاعىنان بۇل كىسىدەن وتە جاعىمسىز ءيىس شىعادى، ال ەكىنشى جاعىنان كورگەندە قاتتى اياپ كەتەسىڭ.

ەسىكتەرىنىڭ الدىندا تۋىستارى جاتقانىن بىلە تۇرا بۇل ءۇيدىڭ تۇرعىندارى قالايشا جايباراقات ۇيىقتاپ، تاماق جەپ وتىرادى ەكەن؟» - دەپ جازادى كۋاگەر ءوز پاراقشاسىندا.

شولۋشى: نازەركە لابيحان