سولتۇستىك كورەيا تاعى ءبىر بالليستيكالىق زىمىران ۇشىرعان، دەپ جازادى قامشى اقپاراتتىق اگەنتتىگى. بۇل جايىندا وڭتۇستىك كورەيا شتابتار باسشىلىعىنىڭ بىرلەسكەن كومتيەتى مالىمدەدى.
رەنحاپ اگەنتتىگىنىڭ حابارلاۋىنشا، وڭتۇستىك كورەيا پرەزيدەنتى مۋن دجەين زىمىران ۇشىرىلعانىن تالقىلاۋ ءۇشىن ۇلتتىق قاۋىپسىزدىك كەڭەسىنىڭ شۇعىل جيىنىن وتكىزۋگە شاقىرعانى حابارلاندى. زىمىران سولتۇستىك كورەيانىڭ ۆونسان قالاسىنان شىعىس باعىتقا قاراي ۇشىرىلعان.
وڭتۇستىك كورەيا شتابتار باسشىلىعىنىڭ بىرلەسكەن كوميتەتى بالليستيكالىق زىمىران ۇشىرىلعانىن حابارلادى، ءبىراق وسى ەلدىڭ اسكەريلەرى بۇل اقپاراتتى ءالى ناقتىلاپ جاتقانىن مالىمدەدى. جاپونيا سىناق جاسالعانىن ايىپتاپ، زىمىران جاپون تەرريتورياسىنا قۇلاعان بولۋى مۇمكىن ەكەنىن حابارلادى.
سوڭعى ءبىر جارىم جىلدا اقش تەرريتورياسىنا جەتەتىن جانە يادرولىق وقتۇمسىق الىپ ۇشا الاتىن زىمىران جاساۋعا تالپىنىپ جاتقان پحەنيان ەكى رەت اتوم قارۋىن سىناپ، ونداعان بالليستيكالىق زىمىران ۇشىردى.
