ليونەل مەسسي مانسابىنداعى ءتورتىنشى ماراپاتقا يە بولدى، دەپ حابارلايدى قامشى اقپاراتتىق اگەنتتىگى Vesti.kz باسىلىمىنا سىلتەمە جاساپ.
"بارسەلونا" فۋتبولشىسى ليونەل مەسسي 2016/2017 جىلدىڭ ماۋسىم قورىتىندىسى بويىنشا "التىن بۋتسى" يەگەرى اتاندى، - دەپ حابارلايدى Vesti.kz.
29 جاستاعى ارگەنتينالىق يسپانيا چەمپيوناتىندا 37 گول سوعىپ، 74 ۇپاي جينادى. ال ەكىنشى ورىندا ليسسابون ويىنشىسى باس دوست تۇر. ول 34 گول سوعىپ، 68 ۇپايعا يە بولدى. ۇزدىك ۇشتىكتى "بورۋسسيا" شابۋىلشىسى پەر-ەمەريك وبامەييانگ 31 گول سوعىپ، 62 ۇپايمەن قورىتىندىلادى.
ايتا كەتەيىك، مەسسي مانسابىنداعى ءتورتىنشى ماراپاتقا يە بولدى. وسىلايشا، ارگەنتيكالىق فۋتبولشى كريشتيانۋ رونالدۋمەن تەڭەستى. رونالدۋ بيىلعى ماۋسىمدا 25 گول سوققان ەدى.
