قازاقستاننىڭ جۋرناليستەر وداعى ب ا ق اراسىندا ءداستۇرلى بايقاۋىن جاريالادى. بايقاۋ 28 ماۋسىمدا اتالىپ وتەتىن جۋرناليستەر كۇنىنە وراي ۇيىمداستىرىلىپ وتىر. جۋرناليستەرگە تاقىرىپ تاڭداۋدا ەركىندىك بەرىلگەن. ول يننوۆاسيالىق جۇمىستار، ايماقتاردا كاسىپكەرلىك باستامانى قولداۋ، قورشاعان ورتا ماسەلەلەرى، جەرگىلىكتى حالىقتى قوعامدىق ماڭىزدى قىزمەتتەرگە جۇمىلدىرۋ سىندى تاقىرىپتار بولۋى مۇمكىن.

سونداي-اق، مادەني، جاستاردىڭ الەۋەتىن كەڭەيتۋ، ادام قۇقىعىن قورعاۋ، الەۋمەتتىك ماسەلەلەردىڭ شەشىمى، قولدانىستاعى زاڭناماعا وزگەرىس ەنگىزۋگە قاتىستى ۇسىنىستار، قوعامدىق جانە ازاماتتىق ءبىلىم دەڭگەيىن كوتەرۋ جانە ت.ب. تاقىرىپتاردى تاڭداۋعا بولادى.

بايقاۋعا ارنالعان ماتەريالدارعا قويىلاتىن باستى تالاپ – تاقىرىپتىڭ وبەكتيۆتى، جان-جاقتى، تەرەڭ زەرتتەلۋى، قانداي دا ءبىر ماسەلەگە تىڭ كوزقاراسپەن كەلۋ، وزەكتىلىك، جىلدامدىق. وزەكتى دەگەن تاقىرىپقا بىرنەشە جۇمىس ۇسىنۋعا بولادى.

كونكۋرسقا 2016 جىلدىڭ 1 ماۋسىمى مەن 2017 جىلدىڭ 12 ماۋسىمى ارالىعىندا جارىق كورگەن ماتەريالدار قابىلدانادى. ناتيجە 2017 جىلدىڭ 23 ماۋسىمىندا انىقتالىپ، ماراپاتتاۋ شاراسى 2017 جىلدىڭ 26 ماۋسىمىندا الماتىدا وتەدى.

اۋديو-ۆيدەو سيۋجەتتەر، فوتوسۋرەتتەر 2017 جىلدىڭ 16 ماۋسىمىنا دەيىن تومەندەگى مەكەن جاي بويىنشا قابىلدانادى.

050010 الماتى ق.،  قالداياقوۆ ك-شى، 79، 502-كەڭسە.

تەل.: 8 (727) 2-67-00-06

E-mail: union-press@kazmedia.kz