29 مامىردا ماسكەۋدە جويقىن داۋىل بولدى، دەپ جازادى قامشى اقپاراتتىق اگەنتتىگى.

جىلدامدىعى 22 م/س بولعان جويقىن جەل 600-دەن اسا اعاشتى قيراتىپ، عيماراتتاردىڭ شاتىرىنا دەيىن جۇلىپ اكەتكەن. سونداي-اق، قاقپالار مەن جارناما كونسترۋكسيالارى دا جەلمەن ۇشتى. سوڭعى اقپاراتقا سۇيەنسەك، اپات سالدارىنان رەسەي استاناسىندا 11-گە جۋىق ادام قازا تاۋىپ، 100-دەن كوبى زارداپ شەكتى. كولىكتەر مەن ەلەكتر سىمدارى دا جارامسىز قالدى. بۇل جايىندا «رەسەي-24» ارناسى حابارلايدى.

قازا تاپقانداردىڭ ءبىرىنىڭ جاسى 26-دا. قىزدىڭ ۇستىنە بۇكىلرەسەيلىك كورمە ورتالىعىنىڭ اۋماعىنداعى الىپ اعاش قۇلاعان. ەندى ءبىر ەر ادامدى دجاۆاحارلالا نەرۋ الاڭىندا اعاش باسىپ قالعان. ەكى ادام كۇركەنىنىڭ استىندا قالعان.

بۇگىندە ماسكەۋدە نوسەر جاۋىن مەن كوشكىن ءجۇرۋ قاتەرى بار. جەرگىلىكتى تۇرعىندار داۋىلدى ۆيدەوعا ءتۇسىرىپ، الەۋمەتتىك جەلىگە جاريالاپ ۇلگەردى.

شولۋشى: گۇلىم جاقان