الەم ادەبيەتى مەن كينو سالاسىنان ارالدا بىرنەشە جىلىن وتكىزگەن ادامداردى ءجيى كەزدەستىرۋگە بولادى. ارالدا بىرنەشە جىلىن وتكىزگەن ادام شىنايى ومىردە دە بار ەكەن.  جاڭا تەحنولوگيا ارقىلى ادام ءومىرىن قۇتقارۋعا بولادى دەگەندى ادام دجونستىڭ باسىنان وتكىزگەن ەرەكشە وقيعاسى دالەلدەپ بەرە الادى.

ادام دجونس ءوز ءومىرىنىڭ 9 جىلىن ارالدا وتكىزگەن. ەگەر ونى Google Earth ارقىلى قۇتقارىپ قالماعاندا ول سول ارالدا ەسىنەن اداسىپ، ءولىپ كەتەتىن ەدى.

ادام ەشقانداي ادام تۇرمايتىن ارالعا ەكى دوسىمەن بىرگە بارعان. ولار ليۆەرپۋلدەن گاۆاي ارالىنا دەيىن كەمەمەن ءجۇزىپ بارعىسى كەلىپتى. باستاپقىدا بارلىعى كەرەمەت ەدى. ولار كەمەمەن اتلانتيدانى كەسىپ وتەدى دە، تىنىق مۇحيتىندا ولار جويقىن داۋىلعا تاپ بولادى.

ادامنىڭ دوستارى ونى بورتتان لاقتىرىپ جىبەرەدى، ال ول 17 كۇن بويى وز-وزىنە كەلە الماي ءجۇرىپتى. «العاشقى 2 كۇن مەن ءۇشىن وتە قيىن بولدى. مەن قاتتى شولدەدىم. سوسىن جاڭبىر جينايتىن قۇرىلعى جاساپ شىعاردىم، سول مەنىڭ ءومىرىمدى قۇتقارىپ قالدى»-، دەيدى ادام.

ادامنىڭ باستاپقى ۋاقىتتا باسپانا سالۋدى شەشكەن. وعان باسپانا سالۋ ءۇشىن 11 كۇن ۋاقىت كەتىپتى. ول اسىرەسە تاماق ماسەلەسىنە بايلانىستى قاتتى قينالعان كورىنەدى. ول قارنى قاتتى اشقاننان كەيىن اڭ اۋلاي باستاعان.

ول وسى ارالدا ءومىر بويى قالىپ قويامىن دەپ قاتتى قورقىپ، كۇيزەلىسكە تۇسكەنىمەن، ءبىراز ۋاقىتتان كەيىن وز-وزىنە كەلىپ، ءتۇرلى جاتتىعۋلار جاساي باستاپتى. سەبەبى وعان اڭ اۋلاۋ ءۇشىن فيزيكالىق كۇش كەرەك بولاتىن. 

سودان كەيىن ۇلكەن تاستار ارقىلى كومەكتەسىڭدەر دەگەن ماعىناداعى SOS دەپ جازعان ەكەن. بۇل ارەكەتى ونىڭ ءومىرىن قۇتقارىپ قالعان بولاتىن.

ءبىر كەزدە ول اسپانداعى ۇشاقتىڭ داۋىسىن ەستيدى.  العاش رەت 9 جىلدان كەيىن ول ادامنىڭ داۋسىن ەستىدى.  ميننەسوتاداعى ءبىر وقۋشى Google Earth كارتاسىنان SOS  دەگەن جازۋدى بايقاعان، سوسىن بيلىكتەگىلەرگە حابارلاپتى.

ادامنىڭ وسى ۋاقىتقا دەيىنگى توزىمدىلىگى مەن شىدامدىلىعى الەمدى تاڭقالدىردى. ول ەشۋاقىتتا بەرىلمەگەندىكتەن ءوز ءومىرىن امان ساقتاپ قالدى. 

اۋدارعان: اسەل وتەشوۆا