پارلامەنت سەناتىنىڭ ءتوراعاسى قاسىم-جومارت توقايەۆ گرۋزيانىڭ قازاقستانداعى ەلشىسى 3ۋراب اباشيدزەنى قابىلدادى، دەپ حابارلايدى قامشى اقپاراتتىق اگەنتتىگى.

ق.توقايەۆ 3.اباشيدزەنى ءبىزدىڭ ەلىمىزدە ديپلوماتيالىق قىزمەتىنىڭ باستالۋىمەن قۇتتىقتاي كەلىپ، ونىڭ قىزمەتىنە تىلەكتەستىگىن ءبىلدىردى جانە استانا مەن تبيليسي اراسىنداعى ديپلوماتيالىق قاتىناستار ورناعان 25 جىلدا ىنتىماقتاستىقتىڭ جوعارى دەڭگەيىنە قول جەتكەنىن اتاپ ءوتتى. سەنات ءتوراعاسىنىڭ پىكىرىنشە، ەكى ەلدىڭ زاڭ شىعارۋ ورگاندارى اراسىنداعى ديالوگتى نىعايتۋعا، سونداي-اق ساۋدا-ەكونوميكالىق جانە مادەني بايلانىستاردى ودان ءارى دامىتۋعا نازار اۋدارۋ ماڭىزدى.

پارلامەنتتىڭ جوعارعى پالاتاسىنىڭ باسشىسى پرەزيدەنت گيورگي مارگۆەلاشۆيليدىڭ استاناعا الداعى رەسمي ساپارىن اسا ماڭىزدى دەپ سانايدى، ويتكەنى گرۋزين مەملەكەتىنىڭ باسشىسى «ەكسپو-2017» حالىقارالىق كورمەسىندەگى گرۋزيانىڭ ۇلتتىق كۇنىنىڭ اشىلۋ سالتاناتىنا كەلۋدى، پرەزيدەنت ن. نازاربايەۆپەن كەلىسسوز جۇرگىزۋدى جانە سەناتتا بولۋدى جوسپارلاپ وتىر. ق. توقايەۆتىڭ پىكىرىنشە، بۇل ساپار ەكى ەل اراسىنداعى كوپجاقتى ىنتىماقتاستىق ءۇشىن جاڭا مۇمكىندىكتەر اشاتىن بولادى.

شولۋشى: گۇلىم جاقان