بۇگىنگى تەحنيكا دامىعان زاماندا ءالى دە تاس عاسىرىندا ءومىر سۇرەتىن ادامداردىڭ بارىنا سەنۋ قيىن. كوپشىلىك قازىرگى زاماننىڭ «العاشقى ادامدارى» مەكەندەرىنە اياق باسقان بوتەندەردى جاقتىرمايدى. ماسەلەن، ءۇندى مۇحيتىندا جەرگىلىكتى تۇرعىندار ءوز جەرلەرىنە كەلگەن وزگە ادامداردى ءولتىرىپ تاستايدى ەكەن.

وسىنداي تايپالاردىڭ ءبىرى ەكۆادور دجۋنگليىندە ءومىر سۇرەدى. بارلىعى 4000 ادامدىق تايپا گۋاراني دەپ اتالادى.

تروپيكالىق ورماندا ءومىر سۇرەتىندىكتەن ۇندىستەردىڭ تاباندارى جايپاقتانىپ كەتكەن. ال اياق ساۋساقتارى تال شىبقتارىنا ىلىنۋگە ىڭعايلانعان.

بۇلار امازونكا وزەنىنىڭ جاعالاۋىندا مەكەندەيدى. بۇل تايپادا ايەلدەر بالا-شاعا قارايدى، ءدان مەن جەمىستەر جينايدى، ال ەرلەر بولسا ازىق ىزدەيدى.

نايزالارمەن گۋاراندار وزدەرىنىڭ ازىقتارى بولاتىن مايمىلدارعا شابۋىل جاسايدى.

مايمىلدان باسقا تۋكان اتالاتىن ءتۇرلى-تۇستى قۇستاردى سورپا ەتەدى.

ۇندىستەر وزدەرىنەن بولەك ادامداردىڭ، قوعامنىڭ بار ەكەنىنەن حاباردار. ولار اشەكەي بۇيىمدارىن ساۋداعا قويعان.

پيت وكسفورد ەسىمدى  فوتوگراف ەكى اپتا بويى وسى تايپامەن بىرگە تۇرىپ بۇل حالىقتىڭ ەرەكشەلىكتەرىن تانىپ قايتقان. وكفوردتىڭ بوتەن ادام بولعانىنا قاراماستان تايپا ادامدارى ونى قوناقجايلىقپەن قارسى العان.

الەمدە ءبىز بىلمەيتىن قانشاما ەرەكشە ءومىر ءسۇرۋ باعىتتارى مەن سالتتارى بار دەسەڭىزشى..