سۋرەتتەگى ايەلدىڭ ەسىمى ميشەل فوكس، نيۋ-يورك قالاسىنىڭ تۇرعىنى. ونىڭ ءۇيى، وتباسى، تۇراقتى جۇمىسى بار، الايدا كەلبەتىنىڭ استىندا ۇلكەن ءبىر قاسىرەتكە تولى وقيعا جاتىر.
بىرنەشە جىل بۇرىن ميشەل جاس انا اتانعان. ءبىر كۇنى كەشكە بالاسىن تاماقتاندىرىپ وتىرعان. جانىندا كۇيەۋى جاقىندا جاساپ شىعارعان قارۋىن قاراپ وتىرعان. سول ساتتە مىلتىقتىڭ داۋىسى شىعادى.
بىتىرالى مىلتىق ايەلدىڭ جارتى بەتىن جۇلىپ تۇسەدى. بايقاۋسىزدا ورىن العان جاعايدىڭ سوڭى ءبىرشاما قيىندىق تۋدىرعان. اۋرۋحاناعا جەتكىزىلگەن سوڭ دارىگەرلەر ناۋقاستىڭ ءومىرى ءۇشىن كۇرەس جۇرگىزەدى. الايدا بەت الپەتى قايتا ورنىنا كەلمەگەن. ەشقانداي پلاستيكالىق وپەراسيا ايەلگە كومەكتەسپەيتىنىن دارىگەرلەر مالىمدەگەن.
سول كەزدە دارىگەرلەر ماردجي گولد ەسىمدى سۋرەتشىگە جىبەرەدى. سۋرەتشى سيليكوننان ءتىرى ادامنىڭ بەتىنىڭ سۋرەتىن سالىپ بەرەدى. سونىڭ ارقاسىندا ايەلدىڭ بەتىندەگى تىرتىقتى ەشكىم بايقامايدى.
وسى جاعدايعا كىنالى بولعان كۇيەۋىمەن ميشەل اجىراسىپ، قولىندا كىشكەنتاي سابيىمەن جالعىز قالادى. الايدا فوكس ءوزىن جاقسى كورەتىن باسقا ەر ادامدى كەزدەستىرىپ، قىزىن بىرگە تاربيەلەپ وتىر.
ميشەلدىڭ ايتۋىنشا، ول ءوزىن باقىتسىزبىن دەپ سانامايدى.
شولۋشى: ايگەرىم تاۋباي
