قازاقستاندىق كاسىپقوي بوكسشى گەنناديي گولوۆكين مەن مەكسيكالىق ساۋل "كانەلو" الۆارەس اراسىنداعى جەكپە-جەك لاس-ۆەگاستا (اقش، نيەۆادا) وتەتىن بولدى. بۇل تۋرالى وتانداسىمىزدىڭ پروموۋتەرى توم لەففلەر جازدى، - دەپ حابارلايدى vesti.kz. "كانەلو" - گولوۆكين جەكپە-جەگى 16 قىركۇيەك كۇنى لاس-ۆەگاستاعى (اقش، نيەۆادا) T-Mobile Arena ارەناسىندا وتەتىنىن رەسمي تۇردە حابارلايمىن. جانكۇيەرلەر ءۇشىن كەرەمەت بوكس كەشى بولماق! - دەپ جازدى توم لەففلەر Twitter جەلىسىندەگى پاراقشاسىندا.

2016 جىلى اشىلعان "T-Mobile Arena"-عا 20 مىڭعا جۋىق جانكۇيەر سىيادى. گەنناديي گولوۆكين "T-Mobile" Arena كەشەنىندە جەكپە-جەك وتكىزبەگەن. ال "كانەلو" بولسا لاس-ۆەگاستاعى وسى ارەنادا 10 كەزدەسۋ وتكىزگەن. ونىڭ ىشىندە امير حان مەن سوڭعى رەت شارشى الاڭعا شىققان قارسىلاسى حۋليو سەزار چاۆەستە بار. ساۋل كانەلو الۆارەسكە قارسى جەكپە-جەكتە گەنناديي گولوۆكين ورتا سالماقتا WBC، WBA (Super)، IBF جانە IBO چەمپيوندىق اتاقتارىن قورعايدى. مەكسيكالىق "The Ring" جۋرنالىنىڭ بەلبەۋىن باسكە تىگەتىن بولادى.