كۇن سايىن ۆەنەسياعا تۋريستەر الەمنىڭ تۇكپىر-تۇكپىرىنەن سۋداعى قالانى كورۋ ءۇشىن اعىلىپ كەلىپ جاتاتىن. الايدا، ءقازىر بارعان تۋريستەردىڭ جولدارى بولمادى. بۇل مۇمكىن ەمەستەي كورىنەتىن بولار، الايدا ول قالادا قۇرعاقشىلىق ورىن الىپ، سۋ ارنالارى بوساپ، قايىقتار باتپاقتا تۇرىپ قالدى، دەپ حابارلايدى قامشى اقپاراتتىق اگەنتتىگى amn.com.ua سايتىنا سىلتەمە جاساپ.

سۋدىڭ قالىپسىز كۇيدە تۇرۋىنىڭ سالدارىنان ۆەنەسيادا قۇرعاقشىلىق باستالدى.

ەكى كۇننەن بەرى قالاداعى سۋ دەڭگەيى تومەندەپ، رەكوردتىق كورسەتكىشكە جەتتى. بۇل قالا ءوزىنىڭ كوز تارتارلىق كەلبەتىنەن، ءتۇرلى بوياۋعا بويالعان سۋ ارنالارىنان ايىرىلدى، سەبەبى ولار ءقازىر بوس تۇر. تۋريستەر ەندىگى كەزەكتە جانتۇرشىگەرلىك كورىنىستەرگە كۋا بولادى.

ۆەنەسياداعى قايىقتار بالشىققا باتىپ قالدى. قالانىڭ مۇنداي كۇيگە دۋشار بولۋىنا يتاليانىڭ سولتۇستىك-شىعىس ايماعىندا جاۋىن-شاشىننىڭ كۇرت تومەندەۋىنە قاتىستى بولىپ وتىر. ۆەنەسيا كۇن سايىن سۋعا تولىپ بارا جاتقاننان گورى ونىڭ سۋسىز قالۋى ادام سەنگىسىز جاعداي بولىپ وتىر.

سۋ ارنالارىنىڭ بوس قالۋى – قالانى ۇلكەن اپاتقا اكەلىپ سوقتىرۋى مۇمكىن. سۋ مولشەرىنىڭ كۇرت تومەندەۋىنەن ەسكى عيماراتتاردىڭ قابىرعالارى جارىلىپ، سۋ كەتەتىن جەرلەردە ۇلكەن ماسەلەلەر تۋىنداۋى مۇمكىن. بۇل ۋاقىتقا دەيىن ادامدار قوقىستارىن سۋعا تاستاپ كەتەتىن. بۇگىنگى كۇندە ۇلكەن عيماراتتاردا سارقىندى سۋدى تازارتۋ جۇيەلەرىن ورناتىلعان. الايدا ءالى كۇنگە دەيىن قالاعا جاعىمسىز ءيىسى تارايتىن جەرلەر بار.

ۆەنەسيا قالاسىن سۋ تاسقىنى نەمەسە جەردىڭ قۇرعاقشىلىققا اينالۋ ماسەلەسىن كورعانىس بارەرى ارقىلى شەشۋ قاجەت. بۇل بارەر شىعاناق پەن سۋ تاسقىنىن باقىلايتىن ۇيالى قاقپا بولىپ تابىلادى. بۇل جوبا وتە قوماقتى قارجىنى قاجەت ەتەدى. الايدا جەرگىلىكتى بيلىك مۇنداي ماسەلەنى شەشۋدىڭ جولىن بىلسە دە، ونى ەرتەرەك قولاعا الۋ ءۇشىن قوماقتى قارجى سالۋعا اسىعار ەمەس.

سۋ ارنالارىنىڭ بوس قالۋىنىڭ سالدارىنان سۋ تۇبىندە قالعان قوقىستار كورىنە باستادى. 

شولۋشى: نازەركە لابيحان