لوندون قالاسىنداعى الەمدى شۋلاتقان 24 قاباتتى گرەنفەلل ءزاۋلىم ۇيىندەگى ءورتتىڭ "قىزۋى" ءالى باسىلار ەمەس. تولىق جانىپ كەتكەن ۇيدەگى ءولىم الدىندا Facebook الەۋمەتتىك جەلىسىنە Live ۆيدەوسىن جۇكتەگەن مۇسىلمان ايەلدىڭ ءسوزى ەشكىمدى بەي-جاي قالدىرمادى، دەپ جازادى قامشى اقپاراتتىق اگەنتتىگى Islam.kz سايتىنا سىلتەمە جاساپ.
رانيا يبراحيم ەسىمدى 30 جاستاعى مۇسىلمان ايەل بىرەۋى 3 جاستاعى، ەكىنشىسى 5 جاستاعى قىزدارىمەن بىرگە بولعان. كۇيەۋى ءورت شىققان كۇنى مىسىردا جۇرگەن. ول ءۇي وتقا ورانعاندا قىزدارىنىڭ باسىن قاتەرگە تىگىپ، 24ء-شى قاباتتان تومەن ءتۇسۋدى ءجون كورمەگەن. ويتكەنى، دالىزدە وعان ءتۇتىننىڭ قاپتاپ كەتكەنىن، ەڭ دۇرىسى ەسىك-تەرەزەنى قىمتاپ جابۋدىڭ قاجەتتىلىگىن (ءتۇتىن ىشكە كەتپەسى ءۇشىن) ايقايلاپ ايتقان داۋىستى ەستىگەن. بالالارىن تۇتىنگى تۇنشىقتىرىپ الۋدان قورىققان. ول ءورت پاتەرگە جەتكەنشە سوندىرىلەتىنىنە ءۇمىت ارتقان. ءومىرىنىڭ اقىرىنا تاياعانىن سەزدى مە، ءتىلىن كاليماعا كەلتىرىپ، شاھاداتتى تاعى ءبىر مارتە قايتالايدى. رانيا قۇربىسى مەن دىندەس باۋىرى يازعا ۆيدەو-ۇندەۋ جاريالاپ ۇلگەرەدى.
