الماتىداعى ءال-فارابي داڭعىلىندا بولعان جول اپاتى ۆيدەوتىركەۋ قۇرىلعىسىنا ءتۇسىرىلدى. Instagram جەلىسىندەگى almaty_dtp پاراقشاسىندا جاريالانعان روليكتەن كولىكتىڭ سوققىسىنان ۇشىپ كەتكەن قىزدى كورۋگە بولادى دەپ جازادى tengrinews.kz.

ات تاعى ءبىر ۆيدەودا قورقىنىشتى جول اپاتىنىڭ سالدارى كورىنەدى. كادرلاردان زارداپ شەككەن ەكى ادامنىڭ جولدىڭ شەتىندە جاتقانىن كورۋگە بولادى.
ەسكە سالا كەتەيىك، كەشە الماتىدا بولعان جول اپاتىنان قىزدىڭ ەكى اياعى جۇلىنىپ كەتكەنى حابارلانعان بولاتىن. 

جول-كولىك وقيعاسى ءال-فارابي داڭعىلىندا تۇڭعىش پرەزيدەنت ساياباعىنىڭ ماڭىندا بولعان. جول اپاتىنا تۇسكەن كولىكتىڭ بارلىعى باتىس باعىتتا كەتىپ بارا جاتقان.  كەيىنىرەك اياعى جۇلىنىپ كەتكەن قىزعا شۇعىل وتا جاسالىپ جاتقانى حابارلانعان ەدى. "ءبىرىنشى ناۋقاس ورتالىق قالالىق كلينيكالىق اۋرۋحاناعا جەتكىزىلدى. قاجەتتى ماماندارمەن جەدەل تۇردە كونسيليۋم وتكىزىلدى. كونسيليۋمنىڭ شەشىمىمەن ناۋقاسقا وتا جاسالاتىن بولدى. زارداپ شەككەن قىز اۋرۋحاناعا تۇسكەندە 3-4 دەڭگەيلى تراۆماتيكالىق شوك العان. جابىق باسسۇيەك مي جاراقاتى مەن وڭ جانە سول بالتىر سۇيەكتەرىنىڭ ورتاڭعى، تومەنگى بولىكتەرىنىڭ كوپجارقىنشاقتى اشىق سىنىعىن العان"، - دەگەن ەدى دارىگەرلەر.
 

شولۋشى: نازەركە مۇسا

،