مەن بالا كەزىمنەن جازۋشى بولۋدى ارماندايتىن ەدىم. جانە نەگە ەكەنى بەلگىسىز، جازۋشى بولاتىنىما قاتتى سەنەتىنمىن. ونىڭ بىردەن-بىر سەبەبى: مەن 1ء-شى كلاستان باستاپ «الپامىس»، «قوبىلاندى باتىر»، «قىز جىبەك»، «قوزى كورپەش – بايان سۇلۋ»، «ارقالىق باتىر» دەگەن ەرتەگى-جىرلاردى ءبىر ەستىگەننەن جاتتاپ الىپ، قۇرداس-قۇربىلارىما ايتىپ وتىراتىنمىن. سوندىقتان عوي دەپ ويلايمىن، مەن ورتا مەكتەپتى بىتىرە سالىپ، فيلولوگيا فاكۋلتەتىنە ءتۇستىم.

ءبىراق فيلولوگيانىڭ قازاق ءبولىمى ەمەس، ورىس بولىمىنە ءتۇستىم. ونىڭ دا ءبىر­دەن-بىر سەبەبى – قازاق بولىمىنە تۇسەتىن ستۋ­دەنتتەر وتە كوپ بولادى ەكەن. مەنىڭ ال­عاش قىزمەتىمدى باستاعان جەرىم – «قا­زاق ادەبيەتى» گازەتى. سودان كەيىن ەلگە كەتىپ قالدىم. ءمۇعالىم بولىپ، ەكى جىلدان كەيىن قايتىپ كەلدىم. بۇل جولى «سو­سيا­ليستىك قازاقستان» گازەتىندە ىستەدىم. سودان كەيىن تاعى دا ەلگە كەتىپ قالدىم. مە­­ءنىڭ بۇل ەرلىگىم دەپ ويلايمىن. مەنىڭ قۇر­داستارىم دا، مەنەن 10، 20 جىل كەيىن ءبى­­تىرگەن جىگىتتەر دە بىردەن ادەبي قىزمەت­كەر بولىپ ورنالاسىپ، سودان شىعا الماي قالدى. قانشا مىقتى تالانتتى بولسا دا، ولار ومىرمەن بايلانىسى بولماعاندىقتان بىرتە-بىرتە تالانتتارىنان ايىرىلا باس­تادى. جازۋشىعا نە كەرەك، ەڭ الدىمەن عا­جاپ ءومىربايان كەرەك. ەكىنشىدەن، ءوزىن-وزى تاربيەلەي ءبىلۋى كەرەك. سودان كەيىن وتە كوپ وقۋ كەرەك. مەنىڭ ەكى كابينەتكە ءبولىپ قويعان كىتاپتارىم بار، ءارقايسىسىندا 500-دەن. سولاردىڭ ءبارىن مەن وقىپ شىق­قامىن. ەۋروپا ادەبيەتى، امەريكا ادە­بيە­ت­ءى، افريكا ادەبيەتى، ازيا ادەبيەتى. ازيا دەگەندە ونىڭ ىشىندە جۇڭگو، يندونە­زيا، جاپونيا، ينديا، قيىر شىعىس جانە ءتۇر­كيا، يران سياقتى جاقىن ەلدەردىڭ ادە­بيەتتەرىن ماقتاندى دەپ ويلاما، بەس ساۋ­ساعىمداي بىلەمىن. ادەبيەتكە بىزدەن كەيىن كەلگەن جاس­تار­دىڭ ەڭ ۇلكەن كەمشىلىگى – وزىنەن باسقا ەش­كىمدى وقىمايدى. ءبىلىم جوق، تالانت بار. سون­دىقتان ءوزىن-وزى قايتالايدى، ءبىر جاز­عان ولەڭىن ون جازادى، سوندىقتان ونى وقىر­مان كەرەك قىلمايدى. ادەبيەت تەك قا­نا ءوزىنىڭ جاڭالىعىمەن عانا قىزىق بولۋى كەرەك. بۇرىن ەشكىم ايتپاعان ويدى ايتۋ كەرەك جازۋشى. الەمدە 33 قانا سيۋ­جەت بار. سول سيۋجەتتەردى ءوز ومىربايانىمەن ۇشتاس­تىرا بىلسە عانا ۇتادى.

"قازاق ادەبيەتى" گازەتى