2017 جىلدىڭ 21 شىلدە «URALSK JOB FAIR - 2017» اتتى جاستارعا ارنالعان بوس جۇمىس ورىندارى جارمەڭكەسى وتكىزىلدى.
شارانىڭ ماقساتى - جاستاردىڭ جۇمىسقا ورنالاستىرۋ مۇمكىندىكتەرىن كەڭەيتۋ، جۇمىسسىز جاستاردى جۇمىسقا ورنالاستىرۋ، جاستارعا مەملەكەتتىك باعدارلامالار، حالىقارالىق جانە مەملەكەتتىك ءبىلىم بەرۋ باعدارلامالارى تۋرالى اقپاراتتاندىرۋ.
جارمەڭكەگە وبلىستاعى "ستەكلو-سەرۆيس" ج ش س، "گيدروپريبور"، "زاپكازرەك" اق سياقتى ءىرى ءوندىرىس وشاقتارى مەن كاسىپورىندارى، ورال قالاسى مەن اۋداندىق مەملەكەتتىك مەكەمەلەرىنەن قۇرالعان بارلىعى 100-گە جۋىق جۇمىس بەرۋشى قاتىسىپ، 1800-گە جۋىق بوس جۇمىس ورىندارىن ۇسىندى. جارمەڭكە بارىسىندا بارلىعى 700-نان اسا جاس ءوز تۇيىندەمەلەرىن تاپسىردى.
سونىمەن قاتار، جارمەڭكە بارىسىندا "100 ناقتى قادام" ۇلت جوسپارىنىڭ ءبىرىنشى باعىتى - كاسىبي مەملەكەتتىك اپپارات قۇرۋ رەفورماسىن جۇزەگە اسىرۋ ماقساتىندا جاستارعا مەملەكەتتىك قىزمەتكە قالاي ورنالاسۋعا بولاتىندىعىن، كونكۋرسقا ءتۇسى ءتارتىبى، تەستىلەۋدەن ءوتۋ جانە ت.ب. ماسەلەلەر بويىنشا اقپارات ۇسىنىلدى.
ق ر پرەزيدەنتى جانىنداعى مەملەكەتتىك باسقارۋ اكادەمياسىنا قابىلداۋ بويىنشا سەمينار وتكىزىلىپ، نازاربايەۆ ۋنيۆەرسيتەتىنىڭ وكىلى ۋنيۆەرسيتەتكە ءتۇسۋ مۇمكىندىكتەرى بويىنشا اقپارات بەردى.
سونداي-اق، جاس ماماندارعا كەڭەستەر تۇيىندەمە تولتىرۋ، سۇحباتتان ءوتۋ جانە ت.ب. ماسەلەلەر بويىنشا كەڭەس بەرىلىپ، "اتامەكەن" ۇلتتىق كاسىپكەرلەر پالاتاسىنىڭ بقو بويىنشا فيليالىنىڭ وكىلدەرىىنىڭ جاستارعا ءوز كاسىبىن اشۋ بويىنشا وتكىزگەن ترەنينگتەرىنە 100-گە جۋىق جاس قاتىستى.
بقو جاستار ساياساتى ماسەلەلەرى باسقارماسىنىڭ باسشىسى ا.ساكوشيەۆ:
بۇگىنگى ۇيىمداستىرىلىپ وتىرعان بوس جۇمىس ورىندارى جارمەڭكەسى جاستاردى بوس جۇرمەي، جۇمىسقا ورنالاستىرۋعا، سونداي-اق، ءوز كاسىبىن اشقىسى كەلەتىن نەمەسە مەملەكەتتىك قىزمەتكە تۇسكىسى كەلەتىن جاستارعا، ونىڭ ىشىندە بيىلعى جىلى جوعارى وقۋ ورىندارىن، كاسىبي تەحنيكالىق ءبىلىم بەرۋ ۇيىمدارىن اياقتاعان جاستارعا اقپارات بەرۋ، باعىت بەرۋ ماقساتىندا وتكىزىلىپ جاتىر. 2016-2017 وقۋ جىلىندا وبلىس بويىنشا جوعارى وقۋ ورىندارىن 7478 تۇلەك اياقتاپ وتىر. ونىڭ 4000-عا جۋىعى كۇندىزگى ءبولىم ستۋدەنتتەرى. الداعى ۋاقىتتا، وسى تۇلەكتەرىمىزدىڭ باسقا دا جۇمىسسىز جۇرگەن جاستارىمىزدىڭ جۇمىسقا ورنالاسۋى بويىنشا مونيتورينگ جۇرگىزىلىپ، ولاردى جۇمىسپەن قامتۋ شارالارى كۇشەيتىلەتىن بولادى.
