ءتورت سالماق دارەجەسى بويىنشا بۇرىنعى الەم چەمپيونى، حالىقارالىق بوكس داڭقىنىڭ مۇشەسى پانامالىق روبەرتو ديۋران بوكس تۋرالى Boxing News جۋرنالىنا بەرگەن سۇحباتىندا قازاقستاندىق گەنناديي گولوۆكين تۋرالى نە ويلايتىنىن ايتتى، - دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساپ.

"ارينە، ءقازىر ۋاقىت باسقا جانە ۇلى بوكسشىلار دا از، ەسەسىنە اقشا كوپ. گولوۆكين، ونىمەن ەسەپتەسپەۋگە بولماس. ونى جەڭۋ ءۇشىن جان-جاقتان سوققى جاساۋعا ماجبۇرلەۋ كەرەك، ويتكەنى ول ساعان تىك جۇرسە، سەنى ولتىرۋگە تىرىسادى. ونى اينالىپ ءجۇرىپ ەسىن شىعارۋ كەرەك، ونىڭ ۇستىنە سوققى جاساۋعا دايىندالدىرماۋ كەرەك، سوسىن عانا ونىمەن جۇدىرىقتاسقان ءجون"، - دەيدى ديۋران. 

مۇنىڭ الدىندا ديۋران گولوۆكين-الۆارەس جەكپە-جەگىنە قاتىستى ايتقان سوزىندە مەكسيكالىق بوكسشى جەڭەدى دەگەن بولاتىن. ونىڭ سوزىنشە، گولوۆكين سوڭعى جەكپە-جەگىندە ناشار جۇدىرىقتاستى.

ايتا كەتەيىك، گولوۆكين-الۆارەس جەكپە-جەگى 16 قىركۇيەكتە لاس-ۆەگاستا وتەدى.