XIIءى «ەۋرازيا» حالىقارالىق كينوفەستيۆالىنىڭ نەگىزگى كونكۋرسىنا قاتىساتىن فيلمدەردىڭ كورسەتىلىمدەرى باستالدى دەپ حابارلايدى Qamshy.kz اقپارات اگەنتتىگى ەۋرازيا كينوفەستيۆالىنىڭ باسپا ءسوز قىزمەتىنە سىلتەمە جاساپ. كورسەتىلىمدەر Chaplin Cinemas (Mega Silk Way) كينوتەاترىندا ءوتىپ جاتىر. بۇگىن نەگىزگى كونكۋرسقا قاتىساتىن 13 ءفيلمنىڭ 3ء-ى كينوسۇيەر قاۋىمعا ۇسىنىلدى. ولار: «كەنتاۆر» (قىرعىزستان)، «تىنىشتىق داۋىسى» (ءۇندىستان)، «اقىماق قۇس»(جۇڭگو). ءار كورسەتىلىمنىڭ سوڭىندا كورەرمەندەر فيلم اۆتورلارىنا ءوز ساۋالدارىن قويىپ، ويلارىمەن ءبولىستى. سونداي-اق، بۇگىننەن باستاپ قىسقامەترلى فيلمدەر كونكۋرسىنا قاتىساتىن فيلمدەردىڭ دە كورسەتىلىمدەرى باستالدى. كونكۋرسقا قاتىساتىن 30 فيلم بەس توپقا توپتاستىرىلعان.

 نەگىزگى كونكۋرسقا قاتىساتىن فيلمدەر تۋرالى اقپارات:

«كەنتاۆر» ءفيلمىنىڭ اننوتاسياسى: ايلى تۇندە اتاقتى سايگۇلىك جوعالادى. كاسىپكەر قاراباي سادىر دەگەن ات ۇرلاۋشىدان كۇدىكتەنەدى. سايگۇلىكتى تاپقان سادىر ناعىز ۇرىنى تابۋعا كىرىسەدى. ۇرى كەنتاۆر دەگەن لاقاپ اتتى قارابايدىڭ تۋىسقانى بولىپ شىعادى. ءفيلمنىڭ نەگىزگى وزەگى ونىڭ مۇنداي ارەكەتكە نە سەبەپتى بارعانىن انىقتاۋ بولىپ تابىلادى.

 «كەنتاۆر» ءفيلمىنىڭ رەجيسسەرى: اقتان ارىم قۇبات −1957 جىلى قىرعىزستاننىڭ شۋ وبلىسى كۋنتۋۋ اۋىلىندا تۋعان كينورەجيسسەر، سەناريست، پروديۋسەر، اكتەر. قىرعىز رەسپۋبليكاسى ۇلتتىق كينواكادەمياسىنىڭ اكادەميگى، ەۋروپا كينو ونەرى اكادەمياسىنىڭ تولىققاندى مۇشەسى. قىرعىز رەسپۋبليكاسىنىڭ حالىق ءارتىسى. لوكارنو (شۆەيساريا) حكف «كۇمىس لەوپارد» جۇلدەسىنىڭ، كانن جارناما فەستيۆالىنىڭ (فرانسيا) «قولا ارىستان» جۇلدەسىنىڭ، FIPRESCI حالىقارالىق كينوسىنشىلارى جۇلدەسىنىڭ لاۋرەاتى، كانن كينوفەستيۆالىنىڭ Un Certain Regard جانە Lا Quinzaine des Realisateurs، بەرلين كينوفەستيۆالىنىڭ Panorama جانە باسقا دا فەستيۆال سەكسيالارىنىڭ قاتىسۋشىسى.

 «تىنىشتىق داۋىسى» ءفيلمىنىڭ اننوتاسياسى: گيمالايدا تۋعاننان اناسىنان ايرىلعان پاناسىز مىلقاۋ بالا تۇرادى. اكەسى قاماۋعا تۇسەدى دە، بالا جالعىز قالىپ، ءومىردىڭ نەبىر قيىندىقتارىنا ۇرىنادى. بارار جەرى، باسار تاۋى قالماعانىن تۇسىنگەن ول بۋددا شىركەۋىنە بارادى.

 «تىنىشتىق داۋىسى» ءفيلمىنىڭ رەجيسسەرى: «د-ر بيدجۋ (بيدجۋكۋمار داموداران) ءۇندى كينورەجيسسەرى، ءۇندىستان ۇلتتىق كينو جۇلدەسىنىڭ ءۇش دۇركىن جەڭىمپازى. ونىڭ تىرناقالدى «سايرا» اتتى كارتيناسى كانندا كورسەتىلگەن. ۇلتتىق جانە حالىقارالىق كينوفەستيۆالدەردىڭ ماراپاتتاۋ سالتاناتتارىندا قازىلار مۇشەسى رەتىندە بىرنەشە رەت قاتىسقان.

«اقىماق قۇس» ءفيلمىنىڭ اننوتاسياسى: لينن اجەسى مەن اتاسىنىڭ قولىندا وسكەن. اناسى كەلىپ، ونى ۋنيۆەرسيتەتكە وقۋعا تۇسۋگە ماجبۇرلەيدى. ونىڭ جالعىز جۇبانىشى – مايمەن ەكەۋىنىڭ اراسىنداعى دوستىق. ەكەۋى بىرىگىپ ۇرلانعان تەلەفونداردى ساتادى. ءبىر كۇنى ءليننىڭ اناسى ۇيگە ەرتەرەك قايتادى…

«اقىماق قۇس» ءفيلمىنىڭ رەجيسسەرلەرى: حۋان سزي Huang Ji حۋنان پروۆينسياسىندا تۋعان. پەكين كينواكادەمياسىندا ساحنالىق ونەردى وقىعان (2003– 2007). «جۇمىرتقا مەن تاس» دەگەن تىرناقالدى تۋىندىسى روتتەردام حكف Hivos Tiger Award جۇلدەسىنە يە بولعان

ريۋدزي وسۋكا 1972 جىلى توكيودا تۋعان. جاپون تەلەارناسىندا دەرەكتى فيلمدەر تۇسىرگەن. 2005 جىلى قىتايعا كوشىپ كەلگەن سوڭ كينەماتوگرا- فيست رەتىندە فيلمدەر تۇسىرە باستادى.