«استانا قالاسى اكىمدىگىنىڭ حالىقتى جۇمىسپەن قامتۋ ورتالىعى» كمم ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىن ىسكە اسىرۋ شەڭبەرىندە جۇمىسسىزدارعا ارنالعان «مەكتەپكە دەيىنگى ۇيىمداردىڭ تاربيەشىسى» (مىندەتتى تۇردە پەداگوگيكالىق ءبىلىمنىڭ بار بولۋى) ماماندىعى بويىنشا تەگىن وقىتۋدى باستايدى دەپ حابارلايدى Qamshy.kz اقپارات اگەنتتىگى استانا اكىمدىگىءنىڭ باسپا ءسوز قىزمەتىنە سىلتەمە جاساي وتىرىپ.
وقۋ مەرزىمى 3 اي، وقۋ بارىسىندا 16 759 تەڭگە كولەمىندە شاكىرتاقى تولەنەدى. وقۋ اعىمداعى جىلدىڭ 1 تامىزىنان ۇيىمداستىرىلادى.وقۋدى ءساتتى اياقتاعاننان كەيىن بىلىكتىلىكتى يەلەنۋى جايلى كۋالىك بەرىلەدى جانە جۇمىسقا ورنالاسۋعا كومەك كورسەتىلەدى.
