تۇركياداعى وپپوزيسيالىق گازەتتىڭ 17 قىزمەتكەرى "تەرروريزم" ايىبى بويىنشا سوتتالماق، دەپ جازادى Qamshy.kz اقپارات اگەنتتىگى. ايىپتالۋشىلاردىڭ كوبى 2016 جىلدىڭ شىلدەسىندەگى ءساتسىز مەملەكەتتىك توڭكەرىستەن كەيىن جاريالانعان توتەنشە جاعداي كەزىندە قازاندا قاماۋعا الىنعان.

جۋرناليستەر مەن «كۋمحۋريەت» گازەتىنىڭ قىزمەتكەرلەرىنىڭ سوتى پرەزيدەنت رەجەپ تايىپ ەردوعاننىڭ قاراماعىنداعى تۇركيانىڭ ەركىن باسپا ءسوز قىزمەتىنىڭ الاڭداۋشىلىعىن تۋدىردى. ولار كىنالى دەپ تانىلسا، 43 جىلعا سوتتالۋى مۇمكىن. «كۋمحۋريەت» گازەتىنىڭ قىزمەتكەرلەرىنە مەملەكەتتىك قۇپيانى جاريالادى، "گۇلەن قوزعالىسىنىڭ" قولدادى دەگەن ايىپتار تاعىلعان.

باسپا ءسوز قورعاۋ ۇيىمىنىڭ مالىمەتىنشە، «اتالمىش ءىس وپپوزيسيالىق «كۋمحۋريەت» گازەتىنىڭ ءۇنىن ءوشىرۋ ءۇشىن جۇرگىزىلمەك». ر24 باسپا ءسوز قورعاۋ ۇيىمىنىڭ دەرەگىنە سايكەس، توتەنشە جاعداي كەزىندە ۇستالعان 166 جۋرناليست قاماۋدا وتىر. وسى ايدىڭ باسىندا ەردوعان تۇركيا اباقتىسىندا ەكى ءجۋرناليستىڭ قاماۋدا وتىرعانىن مالىمدەگەن.