پرەزيدەنت تاپسىرماسىن ورىنداۋ ءۇشىن قازاقستان رەسپۋبليكاسىنىڭ ۇكىمەتى 2016-2020 جىلدارعا ارنالعان جەكەشەلەندىرۋدىڭ كەشەندى جوسپارىن بەكىتكەن بولاتىن. وندا ۇستىمىزدەگى جىلدىڭ ءساۋىر ايىندا وزگەرتۋلەر مەن تولىقتىرۋلار ەنگىزىلگەن ەدى.

سونىڭ ىشىندە قاراعاندى وبلىسىنىڭ ۇيىمدارىنا قاتىستىلار مىنالار:

– باسەكەلەستىك ورتاعا بەرۋگە جاتاتىن ۇيىمداردىڭ تىزىلىمىنەن – 18، سونىڭ ىشىندە،

– باق-تاردىڭ 17 ۇيىمى الىنىپ تاستالدى؛

– مەملەكەت باسشىسىنىڭ تاپسىرماسى بويىنشا 2016 جىلدىڭ اياعىندا كۆازيمەملەكەتتىك سەكتوردى قايتالاپ تۇگەندەۋ جۇرگىزۋ بارىسىندا انىقتالعان 10 ۇيىم قوسىمشا ەنگىزىلدى.

ناتيجەسىندە، 2017 جىلى قاراعاندى وبلىسى بويىنشا باسەكەلەستىك ورتاعا بەرۋگە 24 ۇيىم جاتادى.

ۇيىمداردى ساۋدا-ساتتىققا شىعارۋدى اي-ايعا بولە وتىرىپ، ءتيىستى كەستە بەكىتىلدى.

بۇگىنگى تاڭدا:

– 4 ۇيىم ساتىلدى – «نۇراتال-2013» ج ش س، نۇرا اۋدانى، «قاراعاندى قالاسى قالا قۇرىلىسىنىڭ كاداستر ورتالىعى» ج ش س، جەزقازعان قالاسىنىڭ «سپورتتىق ساۋىقتىرۋ كەشەنى» كمقك، بالقاش قالاسىنىڭ «قالالىق كوممۋنالدىق شارۋاشىلىق – 2012» ج ش س.

– 5 ۇيىمعا قاتىستى «مەملەكەتتىك مۇلىك تۋرالى» قازاقستان رەسپۋبليكاسىنىڭ زاڭىنا سايكەس ولاردى تاراتۋ بويىنشا راسىمدەمەلەر جۇرگىزىلۋدە، ويتكەنى، ولار 3 ساۋدا-ساتتىقتىڭ ناتيجەسىندە ساتىلعان بولاتىن، سونداي-اق، ەكونوميكالىق تيىمدىلىك ماقساتىنا بايلانىستى. تەمىرتاۋ قالاسىنىڭ «تەمىرتاۋ» سپورتتىق كلۋبى» كمقك، «پوليگون» ج ش س جەزقازعان ق.، «مجك ايماقتىق ورتالىعى» اق، «گورسۆەت» قاراعاندى ق.، «بەرەكە-2010» اق قاراعاندى ق.

– ۇستىمىزدەگى جىلدىڭ 30 ماۋسىمىندا وتكەن ەكىنشى ساۋدا-ساتتىققا 2 ۇيىم قويىلدى – «قاراعاندى» ۆولەيبول كلۋبى» ج ش س جانە «تۇلپار» شاعىن فۋتبول كلۋبى» ج ش س.

– 7 ۇيىم بويىنشا ساۋدا-ساتتىق الدىنداعى دايىندىق جۇمىستارى جۇرگىزىلۋدە – تاۋەلسىز باعالاۋشىلاردى تارتا وتىرىپ، ۇيىمداردىڭ نارىقتىق قۇنىن باعالاۋ انىقتالۋدا – «قاراعاندى قالاسىنىڭ №2 ەمحاناسى» كمك، «تەمىرتاۋ قالاسىنىڭ №2 ەمحاناسى – كەيىننەن ساتىپ الۋ قۇقىعىمەن سەنىمگەرلىك باسقارۋ، «سارىارقا» حوككەي كلۋبى» ج ش س، «شاحتەر» فۋتبول كلۋبى» اق، «ۇلىتاۋ تاسبۇلاق» ج ش س، «اباي كوركەم» ج ش س، شاحتينسك ق. «گوركومحوز» ج ش س – جەكەشەلەندىرۋ.

– 6 ۇيىم بويىنشا ساۋدا-ساتتىق الدىنداعى دايىندىق جانە ولاردى ساتۋ جونىندەگى ءىس-شارالار كەستەگە سايكەس جۇرگىزىلەتىن بولادى.

قازاقستان رەسپۋبليكاسى ۇكىمەتىنىڭ تاپسىرماسى بويىنشا قازاقستان رەسپۋبليكاسىنىڭ قارجى مينيسترلىگى مەملەكەتتىك مۇلىك ءتىزىلىمىنىڭ ۆەب-پورتالىندا «جەكەشەلەندىرۋدىڭ ەكىنشى تولقىنىنىڭ وبەكتىلەرى» اقپاراتتىق رەسۋرستارى ارقىلى كەستەنىڭ ورىندالۋىنا مونيتورينگ جۇرگىزىپ وتىر، بۇل كەشەندى جوسپارعا ەنگىزىلگەن، باسەكەلەستىك ورتاعا بەرۋگە جاتاتىن وبەكتىلەر جونىندە وتاندىق جانە شەتەلدىك ينۆەستورلاردى اقپاراتتاندىرۋعا ارنالعان.

سونداي-اق، جول كارتاسى مەم­ءتىزىلىمنىڭ ۆەب-پورتالىندا ولاردى ورىنداۋ مەرزىمدەرى مەن قادامدىق ءىس-شارالار جوسپارى ازىرلەندى جانە ورنالاستىرىلدى.

ساۋدا-ساتتىققا قويىلاتىن ۇيىمدار تۋرالى بارلىق اقپارات www.gosreestr.kz سايتىندا، سونداي-اق، ساۋدا-ساتتىققا قاتىسۋدى قابىلداۋ ءۇشىن قولجەتىمدى.

م.كادەكوۆ،

مەملەكەتتىك اكتيۆتەر جانە ساتىپ الۋلار باسقارماسىنىڭ باسشىسى.