پولشا پرەزيدەنتى اندجەي دۋدا سوت رەفورماسى جونىندە زاڭناماعا تىيىم سالماق، دەپ جازادى Qamshy.kz اقپارات اگەنتتىگى. بۇل تۋرالى پولشا پرەزيدەنتىنىڭ تۆيتتەردەگى پاراقشاسىنا سىلتەمە جاساي وتىرىپ Reuters اگەنتتىگى حابارلايدى.

سوت جۇيەسىنىڭ باقىلاۋ وكىلەتتىلىكتەرىن باسقارۋعا مۇمكىندىك بەرەتىن زاڭنامانىڭ قابىلدانۋىنا قارسى نارازىلىق پولشادا سەگىزىنشى كۇن جالعاسىپ كەلەدى.

ۆارشاۆادا «ءبىز ۆەتونى قالايمىز»، «ەركىن سوت»، «ەركىندىك،تەڭدىك، دەموكراتيا»، «ەركىن پولشا» دەگەن جازۋلارى بار پلاكاتتار ۇستاعان شەرۋشىلەر 23 شىلدە كۇنى پرەزيدەنت سارايىنىڭ الدىنا جينالدى. نارازىلىق شەرۋىنە قاتىسقاندار پارلامەنت قابىلداعان زاڭعا قارىسىلىق تانىتىپ وتىر.

زاڭعا قارسى ميتينگىلەر كراكوۆ، ۆروسلاۆ جانە پولشانىڭ وزگە دە قالالارىندا ءوتتى. سونداي-اق پاريج، بريۋسسەل، لوندون قالالارىندا دا كىشىگىرىم ميتينگىلەر وتكەنى ءمالىم بولدى.

ناتيجەسىندە پولشا پرەزيدەنتى زاڭنىڭ ادىلەتتىلىگىن نىعايتپايتىنىن ايتىپ، ۆەتو قوياتىنىن جەتكىزدى.