قاراعاندى وبلىسىندا پەدوفيلدىڭ ارەكتتەرىنەن زارداپ شەككەن بەس جاستاعى قىزعا العاشقى مەديسينالىق كومەك كورسەتىلدى. دارىگەرلەر قىزدىڭ جاعدايى تۋرالى ايتىپ بەردى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

قاراعاندى وبلىسىنىڭ دەنساۋلىق ساقتاۋ باسقارماسىنىڭ مالىمەتى بويىنشا، 23 شىلدەدە قىز جەدەل جاردەم كولىگىمەن ساتبايەۆ اۋرۋحاناسىنا جەتكىزىلگەن. دارىگەرلەر العاشقى كومەك كورسەتىپ، ارى قاراي ەمدەپ جاتىر. 

"ءيا، مۇنداي دەرەك تىركەلدى. بالانى جەدەل جاردەم كولىگىمەن جەتكىزدى. ونى تەكسەرىپ، قاجەتتى مەديسينالىق كومەك كورسەتىلدى. قاجەتتى ەمىن الىپ جاتىر. بۇگىن ونى ارى قاراي ەمدەۋ ءۇشىن وبلىستىق اۋرۋحاناعا اۋىستىرادى. ونىڭ جاعداي ورتاشا دەڭگەيدە اۋىر دەپ باعالانىپ وتىر"، - دەيدى باسپا ءسوز قىزمەتىنىڭ وكىلدەرى. 

دەنساۋلىق باسقارماسى وكىلدەرىنىڭ ايتۋىنشا، ءقازىر قىزبەن پسيحولوگتار جۇمىس ىستەپ جاتىر. ول جانساقتاۋ بولىمىندە ەمەس. 

ەسكە سالايىق، ساتبايەۆ قالاسىندا جوعالىپ كەتكەن 5 جاستاعى قىز جەرگىلىكتى 50 جاستاعى تۇرعىننىڭ پاتەرىنەن تابىلدى. ول قىزدى پاتەرىنە الداپ كىرگىزگەن. ەر ادام قىزدى زورلاعانىن مويىندادى. ءقازىر بۇل دەرەككە قاتىستى سوتقا دەيىنگى تەرگەۋ ءجۇرىپ جاتىر. 

كۇدىكتى ۋاقىتشا ۇستاۋ اباقتىسىنا قامالدى. قاجەتتى ساراپتامالار تاعايىندالدى.