«سەرپىن» الەۋمەتتىك جوباسى بويىنشا جوعارى وقۋ ورىندارىنا قۇجات قابىلداۋ ناۋقانى باستالدى، دەپ حابارلايدى Qamshy.kz اقپارات اگەنتتىگى.

بۇل جوبا 2014 جىلدان بەرى جۇزەگە اسىپ كەلەدى. ماقساتى – وڭتۇستىك وڭىردەگى جاستاردىڭ باتىس پەن سولتۇستىك قازاقستاندا ءبىلىم الۋىنا جاعداي جاساۋ. سول ارقىلى جاس قىز-جىگىتتەردى يندۋسترياعا تارتىپ، ەلىمىزدىڭ وزگە وڭىرلەرىن وركەندەتۋگە جۇمىلدىرۋ. مەملەكەت اتالعان جوبانى جۇزەگە اسىرۋ ماقساتىندا اعىمداعى جىلى 3793 گرانت ءبولدى. ونىڭ تەڭ جارتىسى تەحنيكالىق ماماندىقتارعا باعىتتالسا، قالعانى پەداگوگيكا مەن اۋىل شارۋاشىلىعى سالاسىنا ارنالعان. قۇجاتتار ەلىمىزدىڭ باتىسى مەن سولتۇستىگىندە جانە شىعىسىندا ورنالاسقان 24 جوعارى وقۋ ورنىندا قابىلدانىپ جاتىر. وتكەن جىلى اتالعان جوبا بويىنشا الماتى وبلىسىنان مىڭنان استام قۇجات قابىلدانىپ، ۇمىتكەرلەردىڭ باسىم بولىگى وقۋعا ءتۇستى. ولار ءقازىر ەلىمىزدىڭ باتىسى مەن سولتۇستىگىندەگى كوللەدجدەر مەن جوعارى وقۋ ورىندارىندا ءبىلىم الىپ جاتىر.