ەلباسى نۇرسۇلتان نازاربايەۆتىڭ 2017 جىلعى حالىققا جولداۋى تۋرالى بيلىك وكىلدەرى مەن قوعامدىق تۇلعالار قانداي پىكىر ءبىلدىردى؟ قامشى ءتىلشىسى ەل اعالارىنىڭ ەلباسى جولداۋى پىكىرلەرىن سارالاپ كوردى.
جانسەيىت تۇيمەبايەۆ: جولداۋ – جاڭعىرۋدىڭ داڭعىل جولى
«ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا جاڭارۋ مەن جاڭعىرۋدىڭ داڭعىل جولىنا تۇسكەن قازاقستان شيرەك عاسىردىڭ ىشىندە بۇكىل الەمگە قۋاتتى، دامىعان، ىنتىماعى جاراسىپ، ىرىسى ارتقان مەملەكەت رەتىندە تانىلدى. ەندىگى كەزەكتە ءاربىر قازاقستاندىق وسى بەرەكە-بىرلىك پەن ساياسي تۇراقتىلىقتى ودان ءارى نىعايتىپ، ەلىمىزدىڭ ىرگەسىن بەكىتە ءتۇسۋى قاجەت.»
ن. نىعماتۋلين: ەلباسى جولداۋى قازاقستانىمىزدىڭ دامۋ تاريحىنداعى جاڭا كەزەڭدى باستادى
«پرەزيدەنتىمىز نۇرسۇلتان ءابىش ۇلى نازاربايەۆتىڭ جولداۋى – ەلىمىزدىڭ تاريحي بەلەسىن باستاعان وتە ماڭىزدى قۇجات. وندا ەلباسىمىز قازاقستان دامۋىنىڭ جاڭا باعىتتارىن بەلگىلەپ بەردى. وسى كەزەڭدە اسىرەسە، ۇلتتىق ەكونوميكانى كوتەرۋگە ەرەكشە كوڭىل ءبولىندى. بۇل ەڭ الدىمەن حالىقتىڭ الەۋمەتتىك جاعدايىن كۇشەيتۋگە ىقپال ەتەدى»
بەردىبەك ساپاربايەۆ: ءبىز ەلباسى جولداۋىن ورىنداۋ ءۇشىن بار كۇشىمىزدى سالامىز
«پرەزيدەنتتىڭ ساياسي جىگەرىنىڭ ارقاسىندا جەتكەنىن بىلەسىزدەر. بۇل جولداۋ بۇرىنعىلارىنان وزگەرەك، ويتكەنى بۇل قۇجات نەگىزىنەن ەلىمىزدىڭ باسەكەلەستىككە قابىلەتتىلىگىن ارتتىرۋعا، جاڭا تەحنولوگيالار مەن يننوۆاسيالاردى ەنگىزۋگە باعىتتالعان»
قمبد: جولداۋ-2017: ۇرپاق تاربيەسىنە باسىمدىق بەردى
«ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىندا ەل ەكونوميكاسىن وركەندەتىپ قانا قويماي، ءبىلىمدى دامىتۋ، رۋحانياتىمىزدى جاڭعىرتۋ، قاۋىپسىزدىك شارالارىن كۇشەيتۋ، ءدىني ەكسترەميزمدى الدىن الۋ، قىلمىستىق جازاسىن وتەپ جاتقان ازاماتتاردى تەولوگيالىق تۇرعىدان ساۋاتتاندىرۋ ماسەلەلەرى ايتىلدى.
نۇرسۇلتان ءابىش ۇلى جولداۋىندا وسكەلەڭ ۇرپاقتى رۋحاني-ادامگەرشىلىك رۋحىندا تاربيەلەۋ ءۇشىن قوسىمشا قادامدار جاساۋ جانە بۇل ىسكە ءدىني بىرلەستىكتەردى بەلسەندى تۇردە تارتۋ قاجەتتىگىنە ەرەكشە توقتالدى.
راسىندا، بۇگىنگى اعا بۋىن، ورتا بۋىن وكىلدەرىنىڭ نەگىزگى ميسسياسى – جاستاردىڭ كوكىرەك كوزىن اشىپ قانا قويماي، ولاردىڭ رۋحاني دۇنيەتانىمىن بايىتىپ، مەملەكەتشىل، تولەرانتتى، ۇلتجاندى ۇرپاق ساباقتاستىعىن قالىپتاستىرۋ»
پىكىر قالدىرۋ