مىسىردا ءىز-تۇسسىز كەتكەن قازاقستاندىقتار تۋرالى جاڭا دەرەكتەر بەلگىلى بولدى. بۇل تۋرالى Qamshy.kz اقپارات اگەنتتىگى Tengrinews.kz-كە سىلتەمە جاساپ  حابارلايدى.

"قولدا بار مالىمەتتەر بويىنشا، التى قازاقستاندىق ستۋدەنت 20 شىلدەدەن باستاپ تۋىستارىمەن بايلانىسقا شىقپادى. ەكەۋى ەكى ايلىق ءتىل كۋرستارىنان ءوتى ءۇشىن كايرگە 11 شىلدەدە كەلگەن. بارلىعى ءبىر پاتەردە تۇرىپ جاتقان. 20 شىلدەدە بايلانىس ءۇزىلدى. سول ۋاقىتتان بەرى قازاقستاندىق ديپلوماتتار ىزدەۋ شارالارىنا كىرىستى. قازاقستان ەلشىلىگى مىسىردىڭ سىرتقى ىستەر مينيسترلىگىنە قازاقستان ازاماتتارىنىڭ قايدا ەكەنىن انىقتاۋعا جاردەمدەسۋدى سۇراپ، نوتا جولدادى. قازىرگى كەزدە ىزدەۋ جۇمىستارى جالعاسىپ جاتىر"، - دەيدى ق ر سىرتىق ىستەر مينيسترلىگىنىڭ رەسمي وكىلى ءانۋار جايناقوۆ ۇكىمەت وتىرىسىنان تىس جەردە.

 "ولاردىڭ "ءنىل" وقۋ ورنىندا ءبىلىم الىپ جاتقانى انىقتالدى. ءبىزدىڭ ەلشىلىك وكىلدەرىنىڭ سوزىنشە، ولاردىڭ ىس-ارەكەتتەرىندە كۇدىكتى ەشتەڭە بولماعان"، - دەپ اتاپ ءوتتى جايناقوۆ.