شىلدەدەن باستاپ زەينەتاقىنىڭ كولەمى ۇلعايدى. اتالعان الەۋمەتتىك كومەكتىڭ العاشقى تولەمى بارلىق زەينەتكەرلەرگە اۋدارىلدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

«بۇگىن ءبىز زەينەتاقىنىڭ جوعارى مولشەرىن بارلىق 2 ملن. زەينەتكەرىمىزگە تولەۋدى اياقتادىق. وسى ماقساتتا تەك ءبىر ايعا بيۋدجەتتەن قوسىمشا 50 ملرد.. تەڭگە ءبولىندى. بۇدان بولەك، 1 شىلدەدەن باستاپ نارەستەلى بولعان وتباسىلار ءبىر رەتتىك جاردەماقىنى 20 پايىزعا ارتىق الا باستادى»، - دەدى ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا بۇگىن ۇكىمەتتە وتكەن باسپا ءسوز ءماسليحاتىندا.

ايتا كەتەيىك، قازاقستان تاۋەلسىزدىگىنىڭ 25 جىلدىعىنا ارنالعان سالتاناتتى جيىندا مەملەكەت باسشىسى نۇرسۇلتان نازاربايەۆ 2017 جىلى زەينەتاقى كولەمىن 2016 جىلعى دەڭگەيدەن 20 پايىزعا ارتتىرۋدى، سونداي-اق 1 شىلدەدەن باستاپ بالا تۋۋىنا بايلانىستى ءبىر رەتتىك مەملەكەتتىك جاردەماقى مولشەرىن 20 پايىزعا ۇلعايتۋدى تاپسىرعان بولاتىن.