بەس كۇن بويى استانادا وبلىستىق تاريحي-ولكەتانۋ مۋزەيىنىڭ «تاراز – تاريحتىڭ التىن دiڭگەگi» كورمەسى وتەدى.

كورمەدە ساق داۋىرىنەن قازاق حاندىعى قۇرىلعانعا دەيىنگى 300-دەن استام جادىگەر نازارعا ۇسىنىلادى. قالا تۇرعىندارى مەن قوناقتارى قازبا جۇمىستارى كەزىندە تابىلعان تاريحي ينستاللياسيالاردى، تيىنداردى، قۇمىرالاردى جانە تارازدىق قىلقالام شەبەرلەرىنىڭ سۋرەتتەرىن تاماشالاي الادى.

ەلوردادا جامبىل وبلىسىنىڭ كۇندەرى اياسىندا مەرەكەلىك كونسەرتتەر، كورمەلەر، تەاترلاندىرىلعان قويىلىمدار ۇيىمداستىرىلادى. وعان وبلىستىق فيلارمونيانىڭ، وبلىستىق قازاق دراما تەاترىنىڭ، «الاتاۋ» فولكلورلىق ءانسامبلىنىڭ ۇجىمدارى مەن بەلگىلى انشىلەر مەن كومپوزيتورلار قاتىسادى.

قالالىق «قازانات» يپپودرومى الاڭىنداعى ەتنواۋىلدا شەبەرلەر اۋىلى ورنالاستىرىلادى. ال «قازاقستان» سپورت كەشەنى اۋماعىندا وتەتىن اۋىلشارۋاشىلىق جارمەڭكەسىندە ەلوردانىڭ تۇرعىندارى مەن قوناقتارى ساۋدا جاساي الادى.