ورتالىق كوممۋنيكاسيالار قىزمەتىندە حالىقارالىق «ەكسپو-2017» مامانداندىرىلعان كورمەسى اياسىندا شانحاي ىنتىماقتاستىق ۇيىمى مەن  ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ حالىقارالىق استانا مارافونىنا ارنالعان باسپا ءسوز كونفەرەنسياسى ءوتتى دەپ حابارلايدى Qamshy.kz اقپارات اگەنتتىگى.

شاراعا ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ، ق ر جەڭىل اتلەتيكا فەدەراسياسىنىڭ اتقارۋشى ديرەكتورى ءىنجۋ قۇسايىنوۆا، استانا ق.  دەنە شىنىقتىرۋ جانە سپورت باسقارماسىنىڭ باسشىسى مارجىقپايەۆ بەرىك قاتىستى.

باسپا ءسوز كونفەرەنسيادا مارافون باعىتى (cتارت، فينيش، سۋ الۋ پۋنكتتەرى)، مارافونعا تىركەلەتىن سايت مەكەن-جايى (نومىرلەردى تاراتۋ، وفلاين تىركەلۋ ەرەجەلەرى)، جارنامالىق كومپانيا (فوتو، بەينە جازبالاردى ب ا ق تاراتۋ، افيشالاردى قالا كوشەلەرىنە ءىلۋ، دەمەۋشىلەردى شاراعا تارتۋ) بويىنشا جاسالىپ جاتقان جۇمىستار تۋرالى ايتىلدى.

قىتايدا مارافوندى جارنامالاۋ جۇمىستارى قارقىندى ءجۇرىپ جاتىر. 10 شىلدەدە People’s Daily New Media «جەنمين جيباو» ۇلتتىق سايتىنىڭ عيماراتىندا حالىقارالىق استانا مارافونىن وتكىزۋگە بايلانىستى باسپاسوز-كونفەرەنسياسى ۇيىمداستىرىلعان بولاتىن. جۇڭگو استاناسىنداعى كەزدەسۋ ۇستىمىزدەگى جىلدىڭ 22 مامىرىندا ق ر مادەنيەت جانە سپورت مينيسترلىگى، ق ر جەڭىل اتلەتيكا فەدەراسياسى مەن «شانحە» يۋننان مادەنيەت جانە سپورت كومپانياسى اراسىندا  شىۇ مەن اوسشك حالىقارالىق استانا مارافونىن وتكىزۋگە بايلانىستى قول جەتكىزىلگەن كەلىسىمى اياسىندا ءوتتى. ايتا كەتەيىك، وسى جىلى ازياداعى ءوزارا ىقپالداستىق جانە سەنىم شارالارى جونىندەگى كەڭەسكە 25 جىل تولىپ وتىر. وسى اتاۋلى داتانى حالىقارالىق مارافونمەن بىرگە اتاپ ءوتۋ قاجەت دەگەن شەشىم شىعارىلدى.  

سپورت جانە دەنە شىنىقتىرۋ ىستەرى كوميتەتى ءتوراعاسى ەلسيار بايمۇحامەد ۇلىنىڭ ايتۋىنشا، تاراپتاردىڭ بىرلەسىپ جۇمىس ىستەۋىنىڭ باستى ماقساتى – ۇزاق مەرزىمدى، سەنىمدى ءارى ءتيىمدى سەرىكتەستىك ورناتۋ. سونداي-اق، اتالعان شارانىڭ ارقاسىندا ەلىمىزدە جەڭىل اتلەتيكا سالاسىن جوعارى دەڭگەيگە شىعارىپ، جالپى سپورت سالاسىنا جاڭا دەم بەرەمىز،-دەدى ول.

سونىمەن قاتار، شىۇ استانالىق مارافونى «ەكسپو-2017» حالىقارالىق كورمەسى اياسىندا ەڭ اۋقىمدى سپورتتىق-مادەني شارا بولاتىنىن دا اتاپ ءوتتى.

ەلسيار بايمۇحامەد ۇلىنىڭ ايتۋىنشا، تاراپتاردىڭ بىرلەسىپ جۇمىس ىستەۋىنىڭ باستى ماقساتى – ۇزاق مەرزىمدى، سەنىمدى ءارى ءتيىمدى سەرىكتەستىك ورناتۋ. سونداي-اق، اتالعان شارانىڭ ارقاسىندا ەلىمىزدە جەڭىل اتلەتيكا سالاسىن جوعارى دەڭگەيگە شىعارىپ، جالپى سپورت سالاسىنا جاڭا دەم بەرەتىنىن اتاپ ءوتتى. سونىمەن قاتار، شىۇ استانالىق مارافونى «ەكسپو-2017» حالىقارالىق كورمەسى اياسىندا ەڭ اۋقىمدى سپورتتىق-مادەني شارا بولاتىنىن دا ايتتى.

ءىنجۋ بەرىك قىزى 24،25، 26 تامىزدا وففلاين تىركەلۋدىڭ اشىلاتىنىن ايتتى. سونىمەن قاتار، مارافون قارساڭىندا، قاتىسۋشىلارعا نومىرلەردى تاراتۋ شاراسى ۇيىمداستىرىلاتىنىن جەتكىزىپ، الەمگە تانىمال مارافونشىلاردىڭ شەبەرلىك كلاسى وتەتىنىن حابارلادى. 

ەستەرىڭىزگە سالايىق، «ەكسپو-2017» اياسىندا وتەتىن شىۇ مەن اوسشك حالىقارالىق مارافونى 2017 جىلدىڭ 27 تامىزىندا تاڭعى ساعات 08:30-دا وتەدى. مارافوننىڭ مارشرۋتى استانانىڭ سول جاعالاۋىنداعى باستى كوشەلەردى قامتيدى. سپورتتىق شاراعا شىۇ مۇشە ءاربىر مەملەكەتتەن جالپى 30 كاسىبي سپورتشىنى تارتۋ كوزدەلگەن. ولار ءۇش ءتۇرلى قاشىقتىقتا باقتارىن سىنايدى: 42،195،10 شاقىرىم جانە 2017 مەتر. شەتەلدەن كەلەتىن قاتىسۋشىلار سانى 1000 ادامدى قۇراپ وتىر. قازاقستاندىق تاراپتان 4000 ادام قاتىسادى دەپ كۇتىلۋدە. مارافونعا قاتىسۋشىلاردىڭ جالپى سانى 5000 ادام.  مارافونعا ونلاين تىركەلۋ ۇستىمىزدەگى جىلدىڭ 15ء-شى شىلدەسىندە باستالدى.