بۋداپەشتتە سۋ سپورتى تۇرلەرى بويىنشا الەمنىڭ FINA بىرىنشىلىگىندە جۇزگىش ءادىل قاسقاباي 100 مەتر قاشىقتىقتا قۇلاشتاپ جۇزۋدەن مەجەگە 50 سەكۋندتا كەلىپ،  قازاقستان رەكوردىن ورناتتى. بۇل تۋرالى Qamshy.kz اقپارات اگەنتتىگى ق ر سۋ سپورتى تۇرلەرى فەدەراسياسىنىڭ باسپا ءسوز قىزمەتىنە سىلتەمە جاساپ حابارلايدى.

 ءادىل ءوزىنىڭ بۇرىنعى 50.10 سەك. ناتيجەسىن جاقسارتىپ، قاشىقتىقتى 49.81 سەك. ۋاقىتىمەن اياقتادى.

«بۇگىندە قازاقستاندىق كرول ادىسىمەن جۇزۋشىلەر ءۇشىن ءادىلدىڭ ناتيجەسى - تاريحي قادام. وسى 50 سەكۋندقا ۇزاق ۋاقىت بويى قول جەتكىزە الماي جۇرگەن ەدىك»، - دەدى ءجۇزۋ قۇراماسىنىڭ باس باپكەرى ولەگ ۆاگيزوۆ.

«ءادىل بۇل توسقاۋىلدى بۇزدى، ەندى ءبىزدىڭ سپورتشىلار تەز جۇزەدى دەپ سەنەمىن. الەم چەمپيوناتىنا دايىندىق ءۇشىن جەتى ءجاسوسپىرىمدى جاتتىقتىرۋ ءۇشىن ىرىكتەپ الدىق. ونىڭ ىشىندە دميتريي بالاندين دە بار»، دەدى ۆاگيزوۆ.

ايتا كەتسەك، جۇزۋشىلەردى دايىنداۋ جونىندەگى كەشەندى عىلىمي توپ ق ر مادەنيەت جانە سپورت مينيسترلىگى مەن ق ر سۋ سپورتى تۇرلەرى فەدەراسياسىمەن بىرلەسىپ 2013 جىلى قۇرىلعان ەدى.