ۋكراينا پرەزيدەنتى پەتر پوروشەنكو گرۋزيانىڭ ەكس-پرەزيدەنتى جانە ودەسسانىڭ بۇرىنعى گۋبەرناتورى ميحايل سااكاشۆيليدى ۋكراينا ازاماتتىعىنان ايىرۋ تۋرالى بۇيرىققا قول قويدى، دەپ جازادى Qamshy.kz اقپارات اگەنتتىگى. بۇل تۋرالى ۋكراينانىڭ مەملەكەتتىك ميگراسيا قىزمەتىنىڭ رەسمي سايتى حابارلادى.

«ۋكراينا پرەزيدەنتى سااكاشۆيليدى ۋكراينا ازماتتىعىنان ايىرۋ جونىندە شەشىم قابىلدادى. سااكاشۆيليدىڭ قۇجاتتارى ۋكراينانىڭ باس پروكۋراتۋراسىندا، ودان كەيىن ۋكراينانىڭ مەملەكەتتىك ميگراسيا قىزمەتىندە، سونداي-اق ازاماتتىق ماسەلە جونىندە كوميسسيا وتىرىسىندا قارالدى»، - دەلىنگەن حابارلامادا.

ميگراسيا قىزمەتىنىڭ مالىمدەۋىنشە، "سااكاشۆيلي ۋكراينا ازاماتتىعىن الاردا جالعان اقپارات بەرگەن. ول ۋكراينا، نە باسقا ايماقتا تەرگەۋدە جوق ەكەنىن ايتقان. كەيىن سااكاشۆيليدىڭ گرۋزيادا سىرتتاي قاماۋعا الىنعانى بەلگىلى بولعان".

الايدا پوروشەنكونىڭ رەسمي سايتىندا سااكاشۆيليدى ازاماتتىقتان ايىرۋ جونىندە رەسمي اقپارات شىقپاعان.

2015 جىلى گرۋزيا سااكاشۆيليدى ازاماتتىقتان ايىردى. ونىڭ ايەلى ساندرا رۋلوفس - گوللانديا ازاماتى.

سول جىلدىڭ 30 مامىرىندا پوروشەنكو سااكاشۆيليدگە ۋكراين ازاماتتىعىن بەرۋ جونىندە قۇجاتقا قول قويعان. ءدال سول كۇنى ول ودەسسانىڭ باس پروكۋرورى قىزمەتىنە كىرىستى.

قىزمەتى بارىسىندا جەرگىلىكتى ەليتالارمەن كەلىسىمگە كەلە الماي، پرەزيدەنت اكىمشىلىگىندەگى قىزمەتكەرلەردى جەمقورلىققا ايىپتاپ، ارىز جازعان.

2 كۇننەن سوڭ پوروشەنكو ونىڭ جۇمىستان قۋىلعانى جونىندە مالىمدەدى. سونداي-اق سااكاشۆيلي ۋكراينا پرەزيدەنتىنىڭ كەڭەسشىسى قىزمەتىنەن دە بوسادى.

ايتا كەتەيىك، سااكاشۆيلي 2008-2013 جىلدارى گرۋزيا پرەزيدەنتى بولدى. سايلاۋدان جەڭىلىس تاپقان سوڭ ۋكرايناعا بارعان. وتانىندا وعان قارسى بىرنەشە قىلمىستىق ىستەر قوزعالدى.