ۇكىمەت باسشىسى ناۆاز شاريف سىبايلاس جەمقورلىققا قارسى تەرگەۋدىڭ سالدارىنان بيلىكتەن الاستاتىلعان سوڭ وتستاۆكاعا شىقتى، دەپ جازادى Qamshy.kz اقپارات اگەنتتىگى. بۇل تۋرالى پرەمەردىڭ باسپا ءسوز قىزمەتى حابارلايدى. بۇدان بۇرىن جەمقورلىققا قارسى تەرگەۋ بارىسىندا پاكىستان جوعارعى سوتى ءشاريفتى بيلىكتەن الاستاتقانى حابارلانعان.
باسپا ءسوز قىزمەتىندە حابارلانعانداي، شاريف سوت پروسەسىندەگى قاتاڭ ەسكەرتۋلەرگە قاراماستان، وتستاۆكاعا شىققان.
2016 جىلدىڭ ساۋىرىندە جاريالانعان Mossack Fonseca زاڭ فيرماسىنىڭ قۇجاتتارىندا پرەمەر-مينيستر ناۆاز ءشاريفتىڭ ەكى ۇلى مەن قىزى بريتانيالىق ۆيرگين ارالىنداعى ءۇش ءىرى كومپانيانى باسقاراتىنى جازىلعان.
ساۋىردە جوعارعى سوتتىڭ 5 سۋدياسىنىڭ ۇشەۋى اتالمىش ءىس بويىنشا ارنايى تەرگەۋ جۇمىستارىن جۇرگىزۋگە نيەت ەتكەن. الدىڭعى اپتادا ءۇش سۋديادان تۇراتىن كوميسسيا 10 تومدىق باياندامانى قاراپ شىقتى.
ءشاريفتى بيلىكتەن الاستاتۋ جونىندە شەشىم ءبىراۋىزدان قابىلدانعان. سوت پرەمەرگە قارسى قىلمىستىق ءىس قوزعاۋدى تاپسىردى.
پىكىر قالدىرۋ