اقش پرەزيدەنتى دونالد ترامپ جۇما كۇنى پرەزيدەنت اكىمشىلىگىنىڭ باسشىسى ەتىپ ىشكى قاۋىپسىزدىك ءمينيسترى دجون كەلليدىڭ تاعايىندادى، دەپ جازادى Qamshy.kz اقپارات اگەنتتىگى.

ءوزىنىڭ شەشىمى جايىندا تۆيتتەردەگى پاراقشاسىنا جازعان ترامپ اتقارۋشى بيلىك جۇيەسىندەگى ادامداردىڭ قىزمەتتەرىن اۋىستىرۋدىڭ سەبەبىن تۇسىندىرگەن جوق. پرەزيدەنتتىڭ بۇل شەشىمى كونگەرستەگى «قولجەتىمدى دەنساۋلىق ساقتاۋ تۋرالى زاڭدى» كەرى قايتارىپ الۋعا تىرىسقان ارەكەتى ءساتسىز اياقاتلعان سوڭ قابىلدانعان. اتالمىش زاڭدى كەرى قايتارۋ پرەزيدەنت پەن ونىڭ اكىمشىلىگى ءۇشىن ماڭىزدى بولعان.  

رەسپۋبليكالىق پارتيا ۇلتتىق كوميتەتىنىڭ ءتوراعاسى قىزمەتىن اتقارعان رەينس پريبۋس دونالد ترامپتىڭ سايلاۋالدى كامپانياسىنا تولىق قولداۋ كورسەتىلۋىن قامتاماسىز ەتكەن ەدى. جەرگىلىكتى باسپا ءسوز قۇرالدارىنىڭ حابارلاۋىنشا، سوڭعى كەزدەرى اق ۇيدە پريبۋستىڭ پوزيسياسى السىرەپ، ول ماڭىزدى شەشىمدەر قابىلداۋدان شەت قالىپ كەلگەن.

بۇرىن يراكتاعى حالىقارالىق كواليسيا كۇشتەرىن باسقارعان وتستاۆكاداعى گەنەرال دجون كەللي اقش ساياسي يستەبليشمەنت ورتاسىندا بەدەلى جوعارى. ونىڭ اكىمشىلىككە تاعايىنداۋىن باقىلاۋشىلار قۇپتاپ وتىر.