وڭتۇستىك قازاقستان وبلىسىندا ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىنان تۋىنداعان قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى وڭىرلىك كوميسسيانىڭ وتىرىسى ءوتتى، دەپ حابارلايدى qamshy.kz.
م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ كونفەرەنس زالىندا وتكەن جيىندا العاشقى ءسوزدى وبلىس اكىمى ج.تۇيمەبايەۆ باستاپ، ەلباسىنىڭ بۇل ماقالاسى – مەملەكەتتىك يدەولوگيانى انىقتايتىن باستى ساياسي قۇجاتى بولىپ تابىلاتىنىن جانە «رۋحاني جاڭعىرۋ» باعدارلاماسىنىڭ وڭتۇستىك وڭىرىندە ىسكە اسىرۋ جۇمىستارىنىڭ وزەكتىلىگىن اتاپ ءوتتى.
«ەلباسى ماقالاسى - رۋحاني جاڭعىرۋدىڭ جارقىن جولى. وسى ماڭىزدى ماقالادا زامانعا سايكەس جاڭعىرۋ، ونىڭ ىشىندە رۋحاني جاڭعىرۋ ماسەلەسى جان-جاقتى تالدانىپ، تاياۋ جىلدارعا اۋقىمدى مىندەتتەر قويىلىپ وتىر. وسى ورايدا وبلىسىمىزدا ماقالانىڭ باسىم باعىتتارىن ىلگەرىلەتۋ، ناسيحاتتاۋ ماقساتىندا ارنايى سپيكەرلەر توپتارى جاساقتالىپ، ب ا ق ارقىلى قىزۋ قولداۋ شارالارى اتقارىلۋدا، الەۋمەتتىك جەلىلەردە پىكىرلەر جاريالانۋدا. حالىقتى بىرلىككە، ىنتىماققا، تاتۋلىققا شاقىراتىن جانە ۇلتتىق قۇندىلىقتاردى، ءسالت-داستۇردى دارىپتەيتىن ءتۇرلى دەرەكتى فيلمدەر، روليكتەر ازىرلەۋ قولعا الىنۋدا»، - دەدى ج. تۇيمەبايەۆ.
بۇدان بولەك، وڭىرىمىزدە ماقالانىڭ ءماتىنى جازىلعان كىتاپشالار، ادىستەمەلىك قۇرالدار شىعارىلىپ، تاراتىلۋدا. سونداي-اق، وبلىستاعى تاريحي-مادەني ەسكەرتكىشتەر اۋماعىندا تۋريستەرگە قىزمەت كورسەتەتىن ۇلتتىق قولونەر بۇيىمدارى، كادەسىيلار ساتاتىن ساۋدا دۇكەندەرىن جانە تەك ۇلتتىق تاعامدار دايىندايتىن ءدامحانالار اشۋ بويىنشا ءتيىستى جۇمىستار اتقارىلىپ جاتىر. العاشقى نىسانداردىڭ ءبىرى رەتىندە قازاق حالقىنىڭ ءسالت-داستۇرى مەن ادەت-عۇرپىن پاش ەتەتىن وتىرار اۋدانىندا «الاش» ەتنوگرافيالىق اۋىلى اشىلدى. جالپى، قوعامدىق سانانى جاڭعىرتۋ باعدارلاماسىنىڭ 6 باعىتىنىڭ 2ء-ى رەسپۋبليكالىق دەڭگەيدە جۇزەگە اسىرىلاتىن بولادى.
سونىمەن قاتار، كوميسسيا وتىرىسىندا وڭتۇستىك قازاقستان وبلىسىندا جوبالىق كەڭسە جۇمىسى تۋرالى وڭىرلىك جوبالىق كەڭسەنىڭ باسشىسى باقىتجان اشىربەكوۆ، «اتامەكەن جانە ازاماتتىق سانا» تاقىرىبىندا جازۋشى، حالىقارالىق «الاش» سىيلىعىنىڭ لاۋرەاتى مارحابات بايعۇت، قوعامدىق سانانى جاڭعىرتۋ باعدارلاماسىن ىسكە اسىرۋ جولدارىنىڭ وڭىرلىك ەرەكشەلىكتەرى تۋرالى «ينتەللەكت وردا» حالىقارالىق الەۋمەتتىك-گۋمانيتارلىق زەرتتەۋلەردى ىقپالداستىرۋ ينستيتۋتىنىڭ باس ديرەكتورى، پروفەسسور ساتتار ءماجيتوۆ ءسوز سويلەپ، نەگىزگى باعىتتاردى اتادى.
«جوعارى وقۋ ورىندارىندا جاستاردى قازاقستاندىق پاتريوتيزمگە تاربيەلەۋ جولدارى» تاقىرىبىندا م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى رەكتورى جۇماحان مىرحالىقوۆ، جوعارى وقۋ ورىندارىندا رۋحاني جاڭعىرۋعا قاتىستى تۇراقتىلىق پەن تاتۋلىق تۋرالى وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ رەكتورى وڭالباي اياشيەۆ تا ءوز پىكىرلەرىن ورتاعا سالدى.
وقو اكىمىنىڭ باسپا ءسوز قىزمەتى ءمالىم ەتكەندەي، كەزدەسۋ سۇراق-جاۋاپتار مەن پىكىر الماسۋلارمەن جالعاستى. وتىرىس سوڭىندا وبلىس اكىمى ج.تۇيمەبايەۆ وڭىردەگى «رۋحاني جاڭعىرۋ» باعدارلاماسىن ىسكە اسىرۋ بويىنشا اۋدان، قالا اكىمدەرىنە، باسقارما باسشىلارىنا جانە قۇزىرلى مەكەمەلەرگە ءتيىستى ءارى ناقتى تاپسىرمالار جۇكتەدى.
پىكىر قالدىرۋ