شەتەلدىك باق-تىڭ مالىمەتىنشە، بيلىك باسىندا ءالى دە قالۋدى كوزدەيتىن ۆەنەسۋەلا پرەزيدەنتى نيكولاس مادۋرو ەلدەگى اۋىر داعدارىسپەن كۇرەسۋ ءۇشىن حالىققا بار شىندىقتى تاراتاتىن 40 تەلەارنا مەن راديوباعدارلامالاردى جاۋىپ تاستاعان، دەپ جازادى Qamshy.kz اقپارات اگەنتتىگى.
الايدا جۋرناليستەر مويىماعان. حالىق ولاردىڭ جاڭالىعىن كوگىلدىر ەكران ارقىلى تاماشالاي الماسا دا، تىلشىلەر وزدەرى حالىقتىڭ الدىنا بارىپ جاڭالىق تاراتىپ جۇرگەن كورىنەدى. بۇگىندە ۆەنەسۋەلا جۋرناليستەرى اۆتوبۋس جولاۋشىلارىنا وزدەرى بارىپ، اقپارات تاراتىپ ءجۇر.
«قايىرلى كۇن، نازارلارىڭىزعا «ەل بۋس تۆ» جاڭالىقتارىن ۇسىنامىز»، - دەگەن ءسوزدى ۆەنەسۋەلا قالالارىنىڭ اۆتوبۋستارىنان ەندىگى ءجيى ەستۋگە بولادى.
El Bus TV – كادىمگى ءتىرى تەليەۆيدەنيە. ەشقانداي مونيتوردىڭ، دەكوراسيانىڭ قاجەتى جوق. تەلەديدار بەينەسىندەگى جيەكتەمەنى ۇستاپ العان ەكى ادام قوعامدىق كولىكتەردى ارالاپ، مەملەكەتتىك تەلەارنالار جاسىرىپ قالعان اقپاراتتى حالىققا تاراتىپ ءجۇر.
جۋرناليستەردىڭ ماقساتى – پرەزيدەنتتىڭ حالىقپەن ساناسپاي شەشىم قابىلدايتىنى، سونداي-اق قالالاردا ءوتىپ جاتقان ميتينگىلەر جايىندا حالىقتى حاباردار ەتۋ.
پىكىر قالدىرۋ