پورتۋگاليا قۇراماسىنىڭ جانە مادريدتىك "رەال" كلۋبىنىڭ فۋتبولشىسى كريشتيانۋ رونالدۋ دۇيسەنبىدە، 31 تامىزدا، سالىق تولەمەگەنى ءۇشىن سوت الدىندا جاۋاپ بەردى  دەپ حابارلايدى Qamshy.kz اقپارات اگەنتتىگى vesti.kz-كە سىلتەمە جاساي وتىرىپ.

ەگەر رونالدۋدىڭ كىناسى تولىعىمەن دالەلدەنسە، ول جەتى جىلعا سوتتالۋى مۇمكىن. مەرزىمدى ەكى ەسەگە قىسقارتقاننىڭ وزىندە، جازانى شارتتى مەرزىمگە اۋىستىرۋعا كەلمەيدى.

سوت وتىرىسى پورتۋگاليالىق شابۋىلشى ءۇشىن ەڭ ءتيىمدى اياقتالدى دەگەننىڭ وزىندە نەگىزگى بەلگىلەنگەن مەرزىمنىڭ تورتتەن ءۇش بولىگى قىسقارۋى مۇمكىن. وسىلايشا رونالدۋ شارتتى تۇردە 21 ايعا سوتتالادى. 11 تامىزعا دەيىن فۋتبولشى ءىستى جەڭىلدەتۋگە مۇمكىندىگى بار.

ەسكە سالايىق، يسپانيا پروكۋراتۋراسى رونالدۋعا قاتىستى 2011-2014 جىلدارى ارالىعىندا 14،7 ميلليون ەۋرو سالىق تولەمەدى دەپ ءىس قوزعاعان. پورتۋگاليالىق ءوزىنىڭ كىناسىزدىگىن العا تارتتى. ويىنشى سۋديانىڭ سۇراقتارىنا 90 مينۋت بويى جاۋاپ بەردى، الايدا ب ا ق وكىلدەرىمەن كەزدەسۋدەن باس تارتتى.