Halyk Bank جانە Qazkom ءوز بولشەك كليەنتتەرىنە بارىنشا ىڭعايلى بولۋ ءۇشىن جۇيەلەردى جانە ونىمدەردى بىرىكتىرۋ ۇدەرىسىن جالعاستىرۋدا: 1 تامىزدان باستاپ Halyk Bank  جانە Altyn Bank كليەنتتەرى ءۇشىن Qazkom cash-in فۋنكسياسى بار بانكوماتتارىنان تولەم كارتالارىن تەڭگە جانە اقش دوللارى بويىنشا تولىقتىرۋ جاڭا قىزمەتى پايدا بولدى دەپ حابارلايدى Qamshy.kz اقپارات اگەنتتىگى.  Halyk Bank جانە Altyn Bank كارتاسىن ۇستاۋشىلارى ءۇشىن تولەم كارتالارىن تولىقتىرۋ ساتىندە كوميسسيالار الىنبايدى. ەندى Halyk Bank جانە Altyn Bank كليەنتتەرى Halyk+Qazkom بانكوماتتار جەلىسىندە قوس بانكتىڭ كەز كەلگەن بانكوماتىنان ءوز كارتالىق شوتىن تولىقتىرۋدا ەشقانداي ايىرماشىلىق كورمەيدى.

2017 جىلعى 1 شىلدەدە Halyk Bank cash-in فۋنكسياسى بار 559 بانكومات ورناتسا، Qazkom قولما-قول اقشا قابىلداۋ فۋنكسياسى بار 465 قۇرىلعىنى ورناتتى. بۇكىل قازاقستان بويىنشا Qazkom+Halyk ءبىرىڭعاي بانكوماتتار جەلىسىنىڭ قۇرىلعىلار سانى 4659 قامتيدى جانە ەلىمىزدەگى ءاربىر ەكىنشى بانكومات - Halyk+Qazkom جەلىسى بولىپ تابىلادى.

2017 جىلعى 1 شىلدەدەگى كورسەتكىشتەر بويىنشا Halyk Bank جانە Altyn Bank شىعارعان كارتالار سانى – 6 ملن. تولەم كارتالارىنان استى.

تامىز بويى ىسكە اسىرىلىپ Halyk Bank cash-in فۋنكسياسى بار بانكوماتتار بويىنشا Qazkom كليەنتتەرىنە دە وسىنداي ۇسىنىستاردىڭ جاسالۋى كۇتىلۋدە.