اۆستراليادا ۇستالعان تەرروريستەر Etihad Airways اتالاتىن ەميراتتىق اۋەكومپانياسىنىڭ ۇشاعىن جارماق بولعان. ونىڭ باعىتى- سيدنەي-ابۋ-دابي بولعان. بۇل تۋرالى Qamshy.kz اقپارات اگەنتتىگى تاسس-قا سىلتەمە جاساپ حابارلايدى.
سەنبى كۇنى بولىپ وتكەن انتيتەرروريستىك قيمىلداردان كەيىن شەتەلدىك باسىلىمدار ۇستالعانداردىڭ ەسىمدەرىن جاريالادى. ولار حالەد مەرحي، ونىڭ ۇلى ابدۋل مەرحي، حالەد حايات جانە تۋىسى ماحمۋد حايات.
«بۇل تورتەۋى سيريا سودىرلارىمەن بايلانىستا بولا وتىرىپ، ۇشاقتىڭ كوزىن جويماقشى بولدى» دەپ جازادى Daily Telegraph باسىلىمى. اۆستراليالىق قۇقىق قورعاۋ ورگاندارى جوسپارلانىپ جاتقان تەرراكت تۋرالى اقش پەن ۇلىبريتانيا ارنايى قىزمەتتەرىنەن حابار العاندىعى بەلگىلى بولدى.
قازىرگى ۋاقىتتا اۆستراليالىق اۋەجايلاردا ەنگىزىلگەن قاۋىپسىزدىك شارالارىنىڭ ەسەبىنەن جولاۋشىلاردىڭ ۇزاق كەزەكتەرى پايدا بولعان.
دۇيسەنبى كۇنى ەلدىڭ پرەمەر-مينيسترى مالكولم تەرنبۋلل قاۋىپسىزدىك شارالارى ءالى دە بەلگىلى-بىر ۋاقىتقا دەيىن ساقتالاتىنىن جەتكىزدى.
پىكىر قالدىرۋ