اقش ۆيسە-پرەزيدەنتى مايك پەنس ەستونياداعى ساپارىندا بالتىق ەلدەرى ءۇشىن رەسەيدەن ارتىق ءقاۋىپ جوق ەكەنىن مالىمدەدى، دەپ جازادى Qasmhy.kz اقپارات اگەنتتىگى.

پەنستىڭ ايتۋىنشا، ماسكەۋ حالىقارالىق شەكارالاردى كۇشتەپ جابۋدى، ەگەمەن مەملەكەتتەردىڭ دەموكراتياسىنا نۇقسان كەلتىرۋدى، ەۋروپانىڭ ەركىن ەلدەرىن بىر-بىرىنە قارسى ايداپ سالۋدى جالعاستىرىپ كەلەدى.

ەستونيا، لاتۆيا، ليتۆا ەلدەرىنىڭ پرەزيدەنتتەرىمەن كەزدەسۋدەن سوڭ اقش-تىڭ بالتىق مەملەكەتتەرىنىڭ قاۋىپسىزدىگىن قاداعالايتىنىنا دايىن ەكەنىن ءمالىم ەتتى. ال رەسەي بەلارۋسيا اسكەرىمەن تامىزدا بولاتىن ءىرى اسكەري جاتتىعۋعا دايىندىق ۇستىندە.

ونىڭ ۇستىنە، پەنس رەسەيدەگى امەريكالىق ديپلوماتتاردىڭ قىسقارۋى اقش-تىڭ رۋحىن تۇسىرمەيتىنىن دە تىلگە تيەك ەتتى. «ماسكەۋ قابىلداعان ديپلوماتيالىق شەشىم وداقتاستارىمىزدىڭ، بۇكىل الەمنىڭ قاۋىپسىزدىگىنە نۇقسان كەلتىرمەيدى»، - دەدى پەنس.

ايتا كەتەيىك، اقش ۆيسە-پرەزيدەنتى مايك پەنس جارى كارەنمەن دۇيسەنبىدە گرۋزياعا باردى. گرۋزيا پرەمەر-مينيسترى گەورگيي كۆيريكاشۆيليمەن تبيليسيدەگى «متاسميندا» مەيرامحاناسىندا كەزدەستى.