استانا اكىمىنىڭ ەكس-ورىنباسارى، نۇرسۇلتان نازاربايەۆتىڭ ۇلكەن نەمەرەسى كاسىپكەر ءنۇرالى الييەۆ سپورتتىق ورمەلەۋ مەن الپينيستەر فەدەراسياسىنا باسشىلىققا كەلدى، دەپ حابارلايدى Qamshy.kz اقپارات اگەنتتىگى فەدەراسيا سايتىنا سىلتەمە جاساپ.
الپينيستەر فەدەراسياسىنىڭ سايتىندا جاريا بولعان دەرەكتەرگە سايكەس، فەدەراسيانىڭ جاڭا باسشىسى قىزمەتىنە نازاربايەۆتىڭ ۇلكەن نەمەرەسى ءنۇرالى الييەۆ تاعايىندالدى. داريعا نازاربايەۆانىڭ ۇلى ءنۇرالى الييەۆ 2014 جىلدىڭ جەلتوقسانىنان باستاپ 2016 جىلدىڭ ناۋرىز ايىنا دەيىن استانا اكىمىنىڭ ورىنباسارى قىزمەتىن اتقارعان بولاتىن.
ەستەرىڭىزگە سالا كەتسەك، 2016 جىلدىڭ ءساۋىر ايىندا 32 جاستاعى ءنۇرالى الييەۆتىڭ ەسىمى «پانامالىق دەرەكتەردە» ساياساتكەرلەر مەن كاسىپكەرلەردىڭ وففشورلىق شوتتارى بويىنشا باسپا دەرەگىندە پايدا بولدى. كەيبىر ەلدەردە بۇل دەرەكتەر ءتۇرلى جانجالدارعا جانە دە قىزمەتكەرلەردىڭ ورنىن بوساتۋىنا الىپ كەلگەن بولاتىن. ال قازاقستاندا حالىقارالىق جۋرناليستەردى تەرگەۋ جۇمىستارى ەشقانداي دا رەاكسيا تۋدىرمادى.
پىكىر قالدىرۋ