التاي تاۋلارى ماڭىنداعى بەرەل قورىمىنان تاعى ءبىر التىن ادام تابىلدى، دەپ حابارلايدى Qamshy.kz اقپارات اگەنتتىگى. بۇل تۋرالى «ساكرالدى قازاقستان» عىلىمي-زەرتتەۋ ورتالىعىنىڭ باسشىسى، ساياساتتانۋشى بەرىك ءابىعالي ۇلى ءوزىنىڭ فەيسبۋك پاراقشاسىندا ءمالىم ەتتى.
«ءسۇيىنشى، اعايىن! تاعى دا كونە ءداۋىردىڭ كوزىندەي بولعان قۇندى جادىگەر! ساق داۋىرىنە ءتان ءتۇرلى دۇنيەنى بۇگىنگە بۇتىندەي جەتكىزگەن التاي تاۋلارى ماڭىنداعى بەرەل قورىمىنان، زەينوللا ساماشيەۆ باستاعان ەكسپەديسيالىق توپتىڭ قازبا جۇمىستارى ناتيجەسىندە تاعى ءبىر التىن ادام تابىلدى. «قاسيەتتى قازاقستان» باعدارلاماسى اياسىندا شىعىس قازاقستان وبلىسىنا ءىس-ساپارعا بارىپ، وسىنداي ايتۋلى جاڭالىققا كۋا بولدىم»، - دەپ جازدى قوعام قايراتكەرى ءوز پاراقشاسىنا.
بۇعان دەيىن ارحەولوگ، تاريح عىلىمدارىنىڭ دوكتورى زەينوللا ساماشيەۆ باستاعان ەكسپەديسيالىق توپ بىرنەشە قازبا جۇمىستارىن جاساپ، ءساتتى ناتيجەلەرگە قول جەتكىزىپ كەلەدى.
پىكىر قالدىرۋ