پاۆلوداردا اۋىل تۇرعىنىنا ءتورت رەت پىشاق سالعان پوليسەي ايىپپۇلمەن قۇتىلدى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.  

پاۆلوداردا 34 جاستاعى پوليسەيگە قاتىستى سوت ۇكىمى شىقتى، ول ءوزىنىڭ جارىن ارىپتەسىنەن قىزعانىپ، شابۋىل جاساعان. پوليسيا قىزمەتكەرىنە ادام ولتىرۋگە وقتالۋ جانە زاڭسىز سۋىق قارۋ ۇستاۋ باپتارى بويىنشا ايىپ تاعىلدى. الايدا سوت بارىسىندا "دەنساۋلىققا قاساقانا اۋىر زيان كەلتiرۋ" بابىنا اۋىستىرىلعان. 

جابىق تۇردە وتكەن سوت بارىسىندا، ارنايى ساراپتاما تاعايىندالعان. وندا پوليسەيدىڭ اۋىل تۇرعىنىنا شابۋىل جاساعان ۋاقىتتا اففەكتى قالپىندا بولعانىن انىقتاعان. "سوت ايىپتالۋشىنى "اففەكتى قالپىندا دەنساۋلىققا قاساقانا اۋىر زيان كەلتiرۋ" بابى بويىنشا كىنالى دەپ تاپتى. سوت ۇكىمىنە سايكەس، ەكى جاقتىڭ مامىلەگە كەلۋىنە وراي، ايىپتالۋشى قىلمىستىق جاۋاپكەرشىلىكتەن بوساتىلدى. سونىمەن قاتار، ول سۋىق قارۋ ساقتاعانى ءۇشىن 45 اەك (102 مىڭ 105 تەڭگە) ايىپپۇل سالىندى"، - دەپ وقىدى پاۆلودار وبلىستىق مامانداندىرىلعان اۋدانارالىق قىلمىستىق ىستەر سوتىنىڭ سۋدياسى نۇرلان ايتبايەۆ. 

سوت ۇكىمى جاريالانعاننان كەيىن، بيىلعى جىلدىڭ قاڭتارىنان بەرى قاماۋدا بولعان كۇدىكتى سوت زالىنان بوساتىلدى. ايتا كەتەيىك، زارداپ شەككەن ادام اقتوعاي اۋىلىنىڭ تۇرعىنى قوجا ماعزام ەسىمدى ازامات. ول ءۇش اي بويى اۋرۋحانادا جاتقان، ال وعان شابۋىل جاساعان قاسكوي ۋاقىتشا ۇستاۋ يزولياتورىنا جابىلعان.