گەرمانيانىڭ حالىقارالىق ىنتىماقتاستىق قوعامى (GIZ) سۋ رەسۋرستارى جانە يرريگاسيا مينيسترلىگىنە 240 جاڭا تەحنيكا بەرەدى. ونىڭ ىشىندە 110 جۇيەلىك بلوك، 50 پلانشەت، 60 نوۋتبۋك جانە 20 مونيتور بار.

بۇل تەحنيكا باسسەيندىك سۋ ينسپەكسيالارىنا بەرىلەدى. قازىرگى تاڭدا مينيسترلىك 130 تەحنيكانى قابىلداپ ۇلگەردى. قالعان 110-ى جىل سوڭىنا دەيىن جەتكىزىلەدى.

تەحنيكالىق جابدىقتاۋ 2023 جىلدىڭ قازان ايىندا سۋ رەسۋرستارى جانە يرريگاسيا مينيسترلىگى مەن GIZ اراسىندا جاسالعان كەلىسىم اياسىندا جۇزەگە اسىپ جاتىر.

«جاڭا تەحنيكا ەلدىڭ سۋ قورىن قورعاۋمەن اينالىساتىن باسسەيندىك ينسپەكسيالاردىڭ جۇمىس تيىمدىلىگىن ارتتىرۋعا مۇمكىندىك بەرەدى. تەحنيكالىق جابدىقتاۋمەن قاتار، مينيسترلىك قۇرىلعاننان بەرى ينسپەكسيا بولىمدەرى ءار وبلىس ورتالىعىندا اشىلدى، ال قىزمەتكەرلەر سانى ەكى ەسەگە ارتتى. سونىمەن بىرگە بىلتىر قابىلدانعان سۋ كودەكسى ينسپەكتورلاردىڭ باقىلاۋ جانە قاداعالاۋ وكىلەتتىكتەرىن كەڭەيتتى»،

 – دەدى سۋ رەسۋرستارى جانە يرريگاسيا ءمينيسترىنىڭ ءبىرىنشى ورىنباسارى نۇرلان الدامجاروۆ.