الماتى وبلىسىنداعى ورتا مەكتەپ-گيمنازيا عيماراتىندا ورنالاسقان №947 سايلاۋ ۋچاسكەسىندە رەسپۋبليكالىق رەفەرەندۋم اياسىنداعى داۋىس بەرۋ پروسەسى زاڭ تالاپتارىنا سايكەس ۇيىمداستىرىلعان، دەپ حابارلايدى  Alataunews.kz.

بۇل تۋرالى «داۋىس» كواليسياسىنان تىركەلگەن باقىلاۋشى سۋلەيمەنوۆا جاينا بەيبيتوۆنا مالىمدەدى.

ونىڭ ايتۋىنشا، سايلاۋ ۋچاسكەسى بۇگىن تاڭعى ساعات 06:00-دە اشىلعان. اشىلۋ ءراسىمى بارىسىندا قازاقستان رەسپۋبليكاسىنىڭ مەملەكەتتىك گيمنى ورىندالىپ، ۋچاسكەلىك سايلاۋ كوميسسياسىنىڭ ءتوراعاسى مەن مۇشەلەرى تولىق قۇرامدا جۇمىسقا كىرىسكەن.

باقىلاۋشىنىڭ مالىمەتىنشە، سايلاۋ ۋچاسكەسى بارلىق قاجەتتى تالاپتارعا ساي تولىق جابدىقتالعان. داۋىس بەرۋگە ارنالعان كابينالار جەتكىلىكتى مولشەردە ورناتىلعان، ال داۋىس بەرەتىن جاشىكتەر كوميسسيا مۇشەلەرى مەن باقىلاۋشىلاردىڭ قاتىسۋىمەن تەكسەرىلىپ، ولاردىڭ بوس ەكەنى انىقتالعاننان كەيىن مورلەنگەن.

“داۋىس بەرۋ پروسەسىنە ەشقانداي كەدەرگى كەلتىرىلىپ جاتقان جوق. العاشقى داۋىس بەرۋشىلەر كەلىپ، ءوز تاڭداۋلارىن جاساپ ۇلگەردى. ولارعا ەستەلىك رەتىندە شاعىن سىيلىقتار تابىستالدى”، – دەيدى باقىلاۋشى.

سايلاۋ ۋچاسكەسىندە «داۋىس» كواليسياسىنان بولەك باسقا دا ۇيىمداردىڭ وكىلدەرى باقىلاۋ جۇرگىزىپ وتىر. اتاپ ايتقاندا، «امانات» پارتياسىنىڭ، «جاستار ءۇنى» ۇيىمىنىڭ جانە «اۋعان سوعىسى ارداگەرلەرى» ۇيىمىنىڭ بايقاۋشىلارى داۋىس بەرۋ بارىسىن قاداعالاۋدا.

سونىمەن قاتار، سايلاۋ ۋچاسكەسىنىڭ الدىندا تۇرعىندار ءۇشىن ارنايى فوتوزونا ۇيىمداستىرىلعان. داۋىس بەرۋگە كەلگەن ازاماتتار سول جەردە ەستەلىك سۋرەتتەرگە ءتۇسىپ جاتىر. باقىلاۋشىلاردىڭ ايتۋىنشا، №947 سايلاۋ ۋچاسكەسىندەگى جاعداي تۇراقتى. داۋىس بەرۋ پروسەسى اشىق ءارى زاڭ تالاپتارىنا سايكەس ءوتىپ جاتىر.