بۇگىن قازاقستاندىقتار تاڭ بوزىنان رەسپۋبليكالىق رەفەرەندۋمعا قاتىسۋ ءۇشىن ەرەكشە بەلسەندىلىك تانىتۋدا. ەلىمىزدىڭ بارلىق وڭىرىندەگى داۋىس بەرۋ ۋچاسكەلەرىندە ءوز ازاماتتىق بورىشىن وتەۋگە اسىققان تۇرعىنداردىڭ كەزەگى بايقالادى.
ايتا كەتەيىك، ارنايى دايىندىق ناۋقانى اياسىندا بارلىق ۋچاسكەلەر ۇزدىكسىز جۇمىس ىستەۋگە تولىقتاي بەيىمدەلگەن بولاتىن. داۋىس بەرۋ كۇنى، ياعني 15 ناۋرىزدا، بارلىق ۋچاكەلەر ەسىگىن تۋرا ساعات 07:00-دە ايقارا اشتى.
ءتىپتى، رەسمي جۇمىس ۋاقىتى باستالماي جاتىپ-اق، العاشقىلاردىڭ ءبىرى بولىپ داۋىس بەرگىسى كەلگەن ازاماتتار جينالا باستاعان. العاشقى ءبىر ساعاتتىڭ ىشىندە بۇل ءۇردىس ءتىپتى كۇشەيىپ، قازىرگى ۋاقىتتا رەسپۋبليكانىڭ تۇكپىر-تۇكپىرىندەگى ۋچاسكەلەردە ادامدار لەگى ارتىپ وتىر. سوعان قاراماستان، سايلاۋ ۋچاسكەلەرىندە كوتەرىڭكى كوڭىل-كۇي مەن دوستىق احۋال ورناعان.
