رەسپۋبليكالىق رەفەرەندۋم وتەتىن كۇنى ەرەكشە قاجەتتىلىگى بار تۇرعىندار سايلاۋ ۋچاسكەلەرىنە جەتۋ ءۇشىن «ينۆاتاكسي» قىزمەتىن تەگىن پايدالانا الادى.

مۇنى قالاداعى جۇمىسپەن قامتۋ جانە الەۋمەتتىك باعدارلامالار باسقارماسى ۇيىمداستىرىپ وتىر. ونىڭ ماقساتى – سايلاۋ ۋچاسكەلەرىنە قولجەتىمدىلىكتى قامتاماسىز ەتۋ جانە مۇمكىندىگى شەكتەۋلى ازاماتتاردىڭ قاتىناۋىنا جاعداي جاساۋ. اتاپ ايتقاندا، مۇگەدەكتەر ارباسىمەن جۇرەتىن ادامدارعا، تىرەك-قيمىل اپپاراتى بۇزىلعان ازاماتتارعا جانە كورۋ قابىلەتى ناشار جاندارعا ارنالعان.

قازىرگى ۋاقىتتا قىزمەت كورسەتۋ ءۇشىن 170 «ينۆاتاكسي» كولىگى، ياعني 36 ارنايى جابدىقتالعان كولىك، 134 جەڭىل اۆتوكولىك جۇمىلدىرىلعان. 

سونىمەن قاتار، ءوتىنىش تۇسكەن جاعدايدا پايدالانۋعا ارنالعان قوسىمشا 20 اۆتوكولىك تە قاراستىرىلعان.

«ينۆاتاكسي» قىزمەتىنە تاپسىرىس بەرۋ ءۇشىن بايلانىس نومىرلەرى:

مۇگەدەكتەر ارباسىن پايدالاناتىن ازاماتتار مەن تىرەك-قيمىل اپپاراتى بۇزىلعان ادامدار ءۇشىن:
+7 707 710 60 50
+7 747 195 35 75
+7 747 402 64 15

كورۋ قابىلەتى بۇزىلعان ازاماتتار ءۇشىن:
+7 727 338 32 78
+7 705 980 87 09
+7 705 831 48 14

سونىمەن قاتار، كەزەكشى اۆتوكولىكتى مىنا نومىرلەر ارقىلى شاقىرۋعا بولادى:
+7 700 151 0701 / 338-30-09.