ازەربايجان رەسپۋبليكاسىنىڭ ورتالىق سايلاۋ كوميسسياسىنىڭ ءتوراعاسى پاناحوۆ مازاير ماگوممەدوگلى بۇگىن قازاقستانداعى رەفەرەندۋمنىڭ ءوتۋ بارىسىن ءوزى باقىلاپ ءجۇر.
دەلەگاسيا وسى ۋاقىتقا دەيىن 50 سايلاۋ ۋچاسكەسىندە بولىپ ۇلگەردى. ساپار بارىسىندا داۋىس بەرۋ پروسەسى جوعارى دەڭگەيدە ۇيىمداستىرىلعانى اتاپ ءوتىلدى. ياعني بارلىق ۋچاسكەلەر قاجەتتى جابدىقتارمەن قامتاماسىز ەتىلگەن، سانيتارلىق جانە تەحنيكالىق تالاپتار ساقتالعان، ال داۋىس بەرۋ تىنىش ءارى رەتتەلگەن جاعدايدا ءوتىپ جاتىر.
ۋچاسكەلەردە جۇمىس ىستەپ جاتقان باقىلاۋشىلار دا ۇيىمداستىرۋ دەڭگەيىنىڭ جوعارى ەكەنىن جانە قىزمەتكەرلەردىڭ جاقسى دايىندالعانىن اتاپ ءوتتى. بارلىق تەحنيكالىق جانە ۇيىمداستىرۋشىلىق ماسەلەلەر باقىلاۋدا، بۇل ازاماتتاردىڭ ءوز داۋىسىن ءقاۋىپسىز ءارى قولايلى جاعدايدا بەرۋىنە مۇمكىندىك بەرەدى.
